झापामा सवारी दुर्घटनामा एक जनाको मृत्यु, चालक नियन्त्रणमा

झापा । झापाको बिर्तामोड नगरपालिका–२ रामचोकस्थित सडक छेउमा भएको सवारी दुर्घटनामा एक पुरुषको मृत्यु भएको छ।

बुधबार राति १०:४५ बजे ईलाका प्रहरी कार्यालय अनारमनीबाट खटिएको गस्ती टोलीले अन्दाजी ४०–४५ वर्षको पुरुषलाई टाउकोसहित शरीरका विभिन्न भागमा गम्भीर चोट लागेको अवस्थामा फेला पारेको थियो। घाइते अवस्थामा रहेका उनलाई तत्कालै उपचारका लागि बिर्तासिटी अस्पताल लगिएको थियो। तर, राति १०:५५ बजे अस्पताल पुर्‍याएपछि चिकित्सकले उनलाई मृत घोषणा गरे।

घटनाबारे अनुसन्धानका क्रममा आज दिउँसो १२:०० बजे काकडभिट्टा बसपार्कबाट बा ५ ख ६८०३ नम्बरको हायस र त्यसका चालक मकवानपुर, थाहा नगरपालिका–७ निवासी २७ वर्षीय रोशन तामाङलाई प्रहरीले नियन्त्रणमा लिएको छ। उनलाई अनुसन्धानका लागि ईलाका प्रहरी कार्यालय अनारमनीमा राखिएको छ।

प्रहरीका अनुसार मृतक सप्तरीको सुरुङ्गा नगरपालिका–१ का ३८ वर्षीय रामबहादुर भुजेल हुन्। घटनाबारे थप अनुसन्धान भइरहेको प्रहरीले जनाएको छ।