दिन: २०८१ भाद्र ५, बुधबार

झापा । झापाको शिवसताक्षीमा शिक्षकको कुटपिटबाट एक छात्रा घाइते भएकी छिन्। शिवसताक्षी नगरपालिका-१० स्थित बाल निकुञ्ज माध्यमिक विद्यालयका शिक्षकले एक छात्रामाथि निर्मम कुटपिट गरी घाइते बनाएका हुन् । कक्षा ६ मा अध्ययनरत छात्रा अञ्जली गुरुङलाई `क्लास वर्क´ गर्न अटेर गरेको भन्दै नेपाली विषयका शिक्षक हेतिराज निरौलाले पाइपले कुटपिट गरी घाइते बनाएको र उनको बिर्तासिटी अस्पताल बिर्तामोडमा उपचार भइरहेको छ । छात्रालाई पिट्ने शिक्षक निरौला कानुन व्यवसायी तथा शिक्षकहरूको छाता संगठन नेपाल शिक्षक महासंघ शिवसताक्षी नगरका सचिवसमेत हुन् । उनले आफूबाट गम्भीर त्रुटि भएको बताएका छन्। उनले आफू विद्यार्थीको उपचार भइरहेको बिर्तासिटी अस्पतालतर्फ गइरहेको बताए । बुधवार कक्षा कोठामा नेपाली विषयको…