दिन: २०८३ कार्तिक १७, सोमबार

मेचीनगर । झापाको मेचीनगर–९ स्थित खुट्टिडाँगी सामुदायिक वन उपभोक्ता समूहको २७औँ वार्षिक साधारण सभा कात्तिक १५ गते सम्पन्न भएको छ । सभाले आगामी आर्थिक वर्षका लागि २१ लाख रुपैयाँको बजेट तथा वनको संरक्षण, पर्यटन प्रवर्द्धन र आयआर्जन वृद्धि गर्ने विभिन्न योजनालाई प्राथमिकतामा राखेको छ । वन समूहले वन क्षेत्रमा पर्यटकको चहलपहल बढाउने उद्देश्यले सेल्फी पुल निर्माण सम्पन्न गर्ने योजना अघि सारेको छ । त्यसैगरी, नयाँ व्यावसायिक स्टल निर्माण गरी स्थानीय उत्पादन तथा परिकारको प्रवर्द्धन गर्ने र समूहको आम्दानी वृद्धि गर्ने लक्ष्य लिएको छ । वनका कार्यालय सचिव राजु धिमालका अनुसार समूहले सहिद मार्गमा प्रवेशद्वार निर्माण गर्ने योजना पनि बनाएको छ…