झापा । साफ यू–२० महिला फुटबल च्याम्पियनसिपमा नेपाल आज फेरि श्रीलंकासँग प्रतिस्पर्धा गर्दैछ। खेल नेपाली समय अनुसार दिउँसो २:४५ बजे बसुन्धरा किङ्स एरिनामा सुरु हुनेछ।
नेपालले यसअघि श्रीलंकालाई ७–० गोल अन्तरले पराजित गरिसकेको छ। आजको खेलमा पनि नेपाल उत्कृष्ट जित निकाल्ने तयारीका साथ मैदानमा उत्रने छ ।
जारी प्रतियोगितामा नेपालले तीन खेल खेलेर दुई जित र एक हार व्यहोरेको छ। पहिलो खेलमा नेपालले भुटानलाई ६–१ गोल अन्तरले पराजित गरेको थियो भने दोस्रो खेलमा नेपाल बंगलादेशसँग ३–२ गोल अन्तरले पराजित भएको थियो। त्यस्तै तेस्रो खेलमा श्रीलंकालाई ७-० गोल अन्तरले पराजित गरेको थियोे ।
प्रतियोगितामा ९ अंक सहित बंगलादेश पहिलो स्थानमा छ भने नेपाल ६ अंक सहित दोस्रो स्थान र भुटान तेस्रो स्थानमा छ।
उता, श्रीलंकाले भने अहिलेसम्म खेलेका सबै खेलमा हार बेहोर्दै लगातार पराजयको दबाबमा रहेको छ।
लिगको अन्त्यमा सबैभन्दा बढी अंक जोड्ने टोली च्याम्पियन बन्ने छ।
Nepali