मेचीनगर। युवा व्यवसायी तथा समाजसेवीका रुपमा आफ्नो परिचय बनाएका सन्तोष खवास मेची उद्योग वाणिज्य संघको वाणिज्य उपाध्यक्ष पदमा उम्मेदवार बनेसँगै संघको आगामी नेतृत्व चयनमा नयाँ ऊर्जा थपिएको छ। व्यवसायीहरूको हकहितका पक्षमा निरन्तर आवाज उठाउँदै आएका खवासको उम्मेदवारीलाई परिवर्तन र सुधारको संकेतका रूपमा हेरिएको छ।
व्यवसायिक क्षेत्रमा सक्रिय खवासले लामो समयदेखि व्यवसायीहरूले भोग्दै आएका समस्या समाधान, राजस्व तथा नीतिगत सुधार, र संघभित्र पारदर्शिता तथा उत्तरदायित्वको अभावजस्ता विषयमा खुला रूपमा धारणा राख्दै आएका छन्। विशेषगरी युवाहरुमाझ लोकप्रिय रहेका उनी समाजसेवामा पनि उत्तिकै सक्रिय रहँदै स्थानीय तहमा विभिन्न सामाजिक गतिविधिमा योगदान दिँदै आएका छन्।
उनले आफ्नो उम्मेदवारीमार्फत व्यवसायमैत्री वातावरण निर्माण, संघभित्र पारदर्शी नेतृत्व विकास, सदस्यहरूको हकहितको सुनिश्चितता तथा संस्थागत सुदृढीकरणलाई मुख्य एजेन्डा बनाएका छन्। “अब युवा नेतृत्व, सक्षम र सबल संस्था” भन्ने मूल नारासहित उनी चुनावी मैदानमा उत्रिएका हुन्।
आगामी बैशाख २६ गते हुने निर्वाचनमा खवासको उम्मेदवारीलाई युवा पुस्ताको प्रतिनिधित्व र नेतृत्व परिवर्तनको अवसरका रूपमा समेत विश्लेषण गरिएको छ। व्यवसायीहरूको भरोसा जित्दै संघलाई नयाँ दिशामा लैजाने उनको प्रतिबद्धताले चुनावी माहोललाई थप रोचक बनाएको छ।
Nepali