मेचीनगर,३० भदौ । ५८औं राष्ट्रिय बालदिवसको अवसरमा रोटरी क्लब अफ मेचीनगर र रोट्रयाक क्लब अफ मेचीनगरको आयोजनामा नगर स्तरीय फुटसल प्रतियोगिता सम्पन्न भएको छ ।

मेचीनगर नगरपालिकाका ८ वटा विद्यालयका टिम सहभागी रहेको उक्त प्रतियोगितामा धुलाबारी मावि प्रथम र इष्टहोराइजन बोर्डिङ्ग स्कूलले दोस्रो स्थान हासिल गर्न सफल भए ।

फुटसल प्रतियोगिताको उद्घाटन कार्यक्रमकी प्रमुख अतिथि मेचीनगर उपप्रमुख मीना पोखरेल उप्रेतीले गरेकी थिइन् ।

रोट्रयाक क्लब अफ मेचीनगरका अध्यक्ष विशाल कार्कीको अध्यक्षतामा सम्पन्न उक्त कार्यक्रम रोटरी क्लब अफ मेचीनगरका अध्यक्ष अनन्तप्रकाश वस्तीले बाल अधिकार र बाल दिवसको बारेमा आफ्नो धारण राखेका थिए ।

कार्यक्रममा मेचीनगर १० का वडाध्यक्ष नारायण खनाललगायतको आतिथ्यता रहेको थियो ।