दिन: २०८१ भाद्र २८, शुक्रबार

कर्ण विश्वकर्मा कालिकोट । कर्णाली राजमार्ग सञ्चालनमा आएको केहीबेरपछि नै गुडिरहेको गाडीमा माथिबाट पहिरो खसेको छ । दुई दिनदेखि अवरुद्ध कर्णाली राजमार्ग शुक्रबार दिउँसोदेखि मात्र सञ्चालनमा आएको थियो । कालीकोटको हुल्म नजिक गुडिरहेको गाडीमा माथिबाट पहिरो खसेको हो । गाडी पूर्णरूपमा क्षतिग्रस्त भएपनि मानवीय क्षति भने नभएको कालीकोट प्रहरीले जनाएको छ । गाडीमा रहेका चालक र सहचालकले भने भागेर ज्यान जोगाएका छन् । यात्री झारेर अगाडि बढ्दा गाडीमा पहिरो खसेको थियो ।

झापा । अर्जुनधारा -६ महानन्द चोकमा हत्या गरिएकी युवती इलाम फिक्कलकी -२० वर्षकी मनिषा लोहार रहेको खुलेको छ। तीन ठाउँमा छुरा प्रहार गरेर आज साँझ एक युवकले मनिषाको हत्या गरेका थिए । मनिषाको घाँटी, छाती र कोखमा छुरा प्रहार गरेर हत्या गरेको प्रहरीले जनाएको छ । पटक–पटक छुरा प्रहार गरेपछि स्थानीयले कैलालीका २० वर्षीय अनिल विकलाई पक्राउ गरेका थिए । तत्कालै युवतीको उपचारका लागि विएण्डसी पुराइएको थियो । युवतीको उपचारका क्रममा मृत्यू भएको थियोे । घटनाबारे अनुसन्धान शुरु भएको प्रहरीले जनाएको छ।

विर्तामोड । झापाको बिर्तामोडस्थित महानन्द चोकमा आज साँझ २० वर्षकी युवतीको छुरा प्रहार बाट मृत्यु भएको छ। अपरिचित युवकले युवतीलाई छुरा प्रहार गरि गम्भीर घाइते बनाएर फरार भएका थिए। घटनामा गम्भीर घाइते भएकी युवतीको उपचारका क्रममा मृत्यु भएको हो । एकजना अपरिचित युवकले उनलाई पक्रिएर लगातार छुरा प्रहार गरेका थिए । घटनाको स्थानीयले प्रतिकार गर्दा उनी भागेका थिए । उनलाई अर्जुनधारा ६ मा स्थानीयले पक्रिन सफल भएका थिए । त्यसपछि स्थानीयले प्रहरीलाई बोलाएर युवकलाई जिम्मा लगाएका थिए ।युवक र युवतीको नाम थाहा हुन सकेको छैन । प्रहरीले घटनाको कारण थाहा हुन नसकेको र अनुसन्धान शुरु गरिएको जनाएको छ ।

मेचीनगर। झापाको मेचीनगर- ६ स्थित काँकरभिट्टा माविको खेलमैदानमा जारी सांगीतिक महोत्सव तथा रमाइलो मेला २०८१ को आज तेस्रो दिन शुक्रबार राष्ट्रिय ख्यातिप्राप्त कलाकार प्रिती आलेको प्रस्तुति रहनेछ । काँकरभिट्टा भेट्रान्स फुटबल क्लबले आयोजना गरेको आयोजित महोत्सवमा दैनिक राष्ट्रिय ख्यातिप्राप्त कलाकारहरूको प्रस्तुति रहनेछ । यसै सिलसिलामा आज पछिल्लो समयकी चर्चित गायिका प्रिती आले आउने भएकी हुन् । काँकरभिट्टा खेलमैदानमा आगामी असोज १५ गतेसम्म सञ्चालन हुने महोत्सवको दोस्रो दिन हिजो बिहीबार चर्चित गायिका अस्मिता अधिकारीले आफ्नो सुपरहिट गीत गाउँदै दर्शकलाई भरपुर मनोरञ्जन प्रदान गरेकी थिइन् । आयोजक काँकरभिट्टा भेट्रान्स फुटबल क्लबका महासचिव सुन्दर बस्नेतका अनुसार प्रत्येक दिन स्थानीय कलाकारको साथमा राष्ट्रिय ख्यातिप्राप्त…