दिन: २०८१ मंसिर २७, बिहीबार

कपिलवस्तु। विप्लव सी नेतृत्वको नेपाल कम्युनिस्ट पार्टीको केन्द्रीय समिति बैठक बिहीबार अपरान्ह १ बजे सुरु भएर ४ बजेदेखि स्थगन भएको छ । आज बिहीबार महासचिव विप्लव सीले व्याख्यासहित प्रस्ताव पेश गरेपछि अध्ययनका लागि बैठक स्थगन गरिएको प्रवक्ता प्रकाण्ड सी ले बताए । शुक्रबार बिहानैदेखि केन्द्रीय सदस्यहरूले धारणा राख्नेछन् । बैठक कपिलवस्तुकाे शिवगढीस्थित केन्द्रीय कार्यालय रहेको प्रकाशन तथा प्रचार विभाग इन्चार्ज अनिल सीले बताएका छन्

विर्तामोड । नेपाल पत्रकार महासंघको भोली हुने निर्वाचनको लागि नेपाल प्रेस युनियनको तर्फबाट झापामा दुई उम्मेदवारको नाम सिफारिस भएपछि लफडा शुरु भएको छ। प्रेस चौतारी र प्रेस युनियनले झापा सहित देशैभर चुनावी गठबन्धन गरेका छन्। यता केन्द्रले जिल्लालाई पत्राचार गरेरै आधिकारिक उम्मेदवार राजेन्द्र गौतम रहेको बताएको छ भने जिल्लाले केन्द्रको आदेश इन्कार गर्दै हालका जिल्ला अध्यक्ष एकराज गिरीलाई अगाडि सारेको छ। महासंघको निर्वाचनमा प्रेस युनियन नेपाल र प्रेस चौतारीको साझा प्यानलमा युनियनको तर्फबाट अध्यक्ष पदमा वर्तमान अध्यक्ष एकराज गिरी र युनियन झापा शाखाको सल्लाहकार राजेन्द्र गौतमको उम्मेदवारी दर्ता भएको स्थितमा प्रेस युनियनको केन्द्रीय समितिले गौतमलाई आधिकारीक उम्मेदवार तोकेको थियोे ।…