दिन: २०८१ फाल्गुन ३, शनिबार

प्रविण अधिकारी विर्तामोड । झापाको विर्तामोडमा जनवादी कलाकारहरूले "समाजवादका लागि सामना सांस्कृतिक अभियान" अन्तर्गत जनचेतनामूलक प्रस्तुति दिँदै दर्शकलाई भावुक बनाएका छन्। नेपाल कम्युनिस्ट पार्टी झापाको आयोजनामा सम्पन्न कार्यक्रममा जनवादी गीत, नृत्य र ओपेराले दर्शकलाई मनोरञ्जन मात्र होइन, सशक्त सन्देश पनि प्रवाह गर्‍यो। कार्यक्रममा बहुचर्चित जनवादी कलाकारहरूको उल्लेखनीय उपस्थिति थियो। उनीहरूलाई नेतृत्व गरेका थिए दसवर्षे सशस्त्र जनयुद्धको सैन्य कमान्ड सम्हालेका बहुप्रतिभाशाली माइला लामा र चर्चित गीत "अरुण तरेर नाना तमोर तरेर..." का लेखक मणि थापाले। आरोह नेपाली, रमण थामीलगायत दर्जनौँ कलाकारले गीत, नृत्य र भाषणमार्फत दर्शकलाई आफ्नो प्रस्तुति मार्फत विगत सम्झाउन र भविष्यप्रति सोच्न बाध्य पारे। माइला लामा र आरोह नेपालीको…