दिन: २०८३ भाद्र १६, मंगलवार

झापा । सामाजिक क्षेत्रमा सक्रिय रहि देशका विभिन्न स्थानमा शाखा विस्तार गर्न सफल संस्था पहिलो पाइला नेपालले कमल शाखाको कार्यसमिति गठन तथा पदस्थापना कार्यक्रम सम्पन्न गरेको छ। सामाजिक कार्यमा अग्रसरता देखाउँदै आएको उक्त संस्थाले सामाजिक सेवामार्फत समुदायमा सकारात्मक परिवर्तन ल्याउने लक्ष्यसहित पहिलो पाइला नेपाल कमल शाखाको कार्यसमिति गठन तथा पदस्थापना कार्यक्रम सम्पन्न गरेको अध्यक्ष सञ्जु निरौलाले जानकारी दिनुभयो । कमल गाउँपालिका–५ पाडाजुँगीस्थित वनमारा क्याफेमा आयोजित कार्यक्रममा गाउँपालिका अध्यक्ष हुकुमसिंह राई प्रमुख अतिथि र उपाध्यक्ष प्रमिला तिवारी विशेष अतिथि रहनुभएको थियो। कार्यक्रम शाखा अध्यक्ष सञ्जु निरौलाको अध्यक्षतामा सम्पन्न भएको हो। कार्यक्रममा दमक उद्योग वाणिज्य संघका अध्यक्ष गोपाल गुरागाईं, संस्थाका केन्द्रीय महासचिव मिलन…