दिन: २०८२ असार १८, बुधबार

काठमाडौँ — मिलेनियम च्यालेञ्ज एकाउन्ट नेपाल विकास समिति (एमसीए–नेपाल)लाई पुनः सक्रियताका साथ अगाडि बढ्न बाटो खुलेको छ। अमेरिकी सरकारले एमसीसी परियोजनालाई निरन्तरता दिने निर्णय गरेसँगै एमसीए–नेपालले त्यसको स्वागत गरेको छ। विरोधका स्वरहरू उठिरहेका बेला यो निर्णय आएको हो। विशेषगरी विप्लव नेतृत्वको नेपाल कम्युनिस्ट पार्टी (नेकपा) लगायतका केही दल तथा समूहहरूले एमसीसी परियोजनालाई ‘नेपालको सार्वभौमिकतामाथिको हस्तक्षेप’ भन्दै तीव्र आलोचना गर्दै आएका छन्। विभिन्न ठाउँमा विरोध प्रदर्शनहरू पनि भइरहेका छन्। बुधबार जारी विज्ञप्तिमा एमसीए–नेपालले भनेको छ, “अमेरिकी वैदेशिक सहयोगमा लगाइएको स्थगनका सन्दर्भमा विशेष छुट अन्तर्गत एमसीसी नेपाल कम्प्याक्टको कार्यान्वयनलाई निरन्तरता दिने अमेरिकी सरकारको निर्णयको हामी स्वागत गर्दछौँ।” एमसीए–नेपालले हालसम्म २९७ किलोमिटर विद्युत्…

सुनसरी । सुनसरी जिल्लाको देवानगंज गाउँपालिका–१ मध्याहर्षाहीमा घाँस काट्न बारीमा गएकी एक महिलाको सर्पदंशका कारण मृत्यु भएको छ। मृतक ५५ वर्षीया कल्सी मेहता मंगलबार साँझ करिब ६:३० बजे आफ्नै बारीमा घाँस काट्ने क्रममा विषालु सर्पले टोकेको प्रहरीले जनाएको छ। सर्पले टोकेको केही समयमै अवस्था गम्भीर बनेपछि उनलाई उपचारका लागि अस्पताल लैजाने प्रयास गरिएको थियो। तर, अस्पताल पुर्‍याउनु अघि नै बाटोमै उनको मृत्यु भएको प्रहरीले पुष्टि गरेको छ। स्थानीयवासीका अनुसार बारी आसपासका क्षेत्र पहिले पनि सर्प देखिने क्षेत्रका रूपमा चिनिएको भए पनि यस्तो दुर्घटना यसअघि भने भएको थिएन। घटनापछि गाउँमा शोकको वातावरण छ।  

ताप्लेजुङ — ताप्लेजुङको सिदिङबा गाउँपालिका–५, आङखोपमा पहिरोले घर पुरिँदा पाँच जना घाइते भएका छन्। स्थानीय हस्तबहादुर कटुवालको घरमा गएको राति करिब १ बजेतिर पहिरो खस्दा उनकी ५० वर्षीया श्रीमती ठगमाया कटुवाल गम्भीर घाइते भएकी छन्। अन्य चार जना परिवारका सदस्य सामान्य घाइते भएका वडाध्यक्ष रत्नबहादुर खत्रीले जानकारी दिए। वडाध्यक्ष खत्रीका अनुसार कुलोमा बगेको पानी थुनिँदा खेत हुँदै पहिरो खसेर घरमा ठोक्किएको थियो। पहिरोले घर पुरिएपछि छेउको मतानमा सुतेका छोराबुहारीले तत्कालै आमाबुबाको उद्धार गरेका थिए। घाइतेमध्ये घरमालिक हस्तबहादुर कटुवाल, छोरा जगत कटुवाल, बुहारी सरस्वती कटुवाल र छोरी सम्झना कटुवाललाई सामान्य चोट लागेको जनाइएको छ। गम्भीर घाइते ठगमायाको थप उपचारका लागि एम्बुलेन्स…