ताजा खबर

सुकेटार विमानस्थलमा अवतरण हुन नसकेपछि यात्रु निराश, जहाज पुनः काठमाडौँ फर्कियो

पूर्वी गर्जन0 Commentsताजा खबर, प्रदेश १, समाचार

ताप्लेजुङ । ताप्लेजुङको सुकेटार विमानस्थलमा शुक्रबार बिहान काठमाडौंबाट आएको जहाज मौसमको कारण अवतरण हुन नसकी पुनः काठमाडौं फर्किएको छ। नेपाल वायु सेवा निगमका ताप्लेजुङ स्टेसन इन्चार्ज नारायणकुमार कार्कीका अनुसार सुकेटार विमानस्थलमा हुस्सु र कुहिरो लागेर दृश्यता अत्यन्त कम भएपछि जहाजले अवतरण गर्न सकेन। "काठमाडौँबाट उड्ने समयमा मौसम सफा थियो, तर ल्यान्डिङको समयमै आकस्मिक रूपमा मौसम बदलिएपछि जहाज फर्काउनु परेको हो," उनले बताए। चार जना यात्रु लिएर आएको जहाज अन्ततः यात्रुहरू सहित काठमाडौंमै फर्किएको हो। ती यात्रुहरू सुकेटार पुगिसकेको अवस्थामा समेत विमान नओर्लेपछि घर फर्किन बाध्य भए। त्यस्तै, ताप्लेजुङबाट काठमाडौँ जानका लागि होल्डिङ पास लिएर सात जना यात्रु बिहानैदेखि विमानस्थलमा प्रतीक्षारत…

मेची पुल तस्करीको अखडा : भन्सार कर्मचारीलाई घुस, लाखौंको राजस्व ढुस

पूर्वी गर्जन0 Commentsताजा खबर, प्रमुख समाचार, समाचार

झापा । नेपाल–भारत सिमानाको प्रमुख प्रवेशद्वार मानिने मेची भन्सार कार्यालय अहिले राजस्व लुट्ने खुला अखडा बनेको छ। पाँच किलो चिनी बोकेको सर्वसाधारणलाई कडा जाँच गर्ने भन्सार अधिकारीहरु, लाखौंको तस्करी गर्ने गिरोहसँग भने हातेमालो गर्दै अनाहकमा राष्ट्रको ढुकुटी रित्याइरहेका छन्। बिहान ६ बजेदेखि पुरानो मेची पुल तस्करीको सामानले गोदाममा परिणत हुन्छ। भारतीय सीमा सुरक्षा बल एसएसबी ले सख्त निगरानी थालेपछि तस्करीको केन्द्र सिधै मेची पुलमै खुम्चिएको छ। अहिले पुलबाट भित्रिने सामग्रीमा लत्ताकपडा, मोटर पार्ट्सदेखि खाद्यान्न र किराना सामानसम्म छन् — सवारीको लाइन लाग्ने हैन, तस्करीको मेला लाग्ने स्थिति छ। जसले जाँच गर्नुपर्ने हो, उसैले रकम उठाउने धन्दा चलाएको छ। भन्सारका कर्मचारीदेखि…

झापामा स्कुटर र मोटरसाइकल ठोक्किँदा दुई जनाको मृत्यु, आमा–छोरा गम्भीर घाइते

पूर्वी गर्जन0 Commentsताजा खबर, समाचार

झापा । झापाको बाह्रदशी गाउँपालिका–१ खैरबारीमा भएको सवारी दुर्घटनामा दुई जनाको मृत्यु भएको छ भने आमा–छोरा गम्भीर घाइते भएका छन्। मंगलबार दिउँसो ३:४० बजे राजगढबाट कुटीतर्फ जाँदै गरेको भारतीय नम्बर प्लेटको BR 37 AZ 6440 मोटरसाइकल र विपरीत दिशाबाट आइरहेको प्रदेश १–०१–०१६ प ९२७० नम्बरको स्कुटर एकापसमा ठोक्किँदा दुर्घटना भएको हो। दुर्घटनापछि गम्भीर घाइते भएका स्कुटर चालक र मोटरसाइकल चालकलाई उपचारका लागि तत्काल प्रादेशिक अस्पताल, भद्रपुर पुर्‍याइएकोमा उपचारकै क्रममा साँझ ४:४० बजे दुवैजनाको मृत्यु भएको प्रहरीले जनाएको छ। मृत्यु हुनेमा कचनकवल गाउँपालिका–३ का ६० वर्षीय श्रीप्रसाद राजबंशी रहेको खुलेको छ। अर्का मृतक मोटरसाइकल चालकको पहिचान भने खुल्न बाँकी छ। स्कुटरमा…

अर्जुनधारामा सामूहिक कुटपिटबाट महिलाको मृत्यु, पाँच जना पक्राउ

पूर्वी गर्जन0 Commentsताजा खबर, समाचार

झापा । झापाको अर्जुनधारा नगरपालिकामा सामूहिक कुटपिटका कारण एक महिलाको मृत्यु भएको छ। मृत्यु हुनेमा अर्जुनधारा–८ स्थित नयाँ खसी बजार जाने बाटोमा प्रकाश गिरीको घरमा डेरा गरी बस्दै आएकी २२ वर्षीया गंगा राई (गरिमा) रहेकी छन्। प्रहरीका अनुसार गंगा राईमाथि गएराति करिब ११ः३० बजे अर्जुनधारा–८ की ३२ वर्षीया सुस्मिता भुसालले अन्य केही महिलालाई साथमा लिएर सामूहिक रुपमा कुटपिट गरेकी थिइन्। उनीहरूलाई शंका लागेको थियो कि सुस्मिताका श्रीमान् रमेश भुसाल गंगा राईको कोठामा गएका थिए। कुटपिटबाट गम्भीर घाइते भएकी गंगालाई सुरुमा शनिश्चरेस्थित शंकर अस्पतालमा उपचारका लागि लगिएको थियो। त्यहाँबाट थप उपचारका लागि बिर्तामोडस्थित बिर्तासिटी अस्पताल ल्याइएकी उनलाई चिकित्सकले राति १ः२० बजे…

हेंवा खोलामा डाइभर्सन बगाएपछि मेची राजमार्ग अवरुद्ध

पूर्वी गर्जन0 Commentsताजा खबर, प्रदेश १, समाचार

पाँचथर। मेची राजमार्गअन्तर्गत पाँचथरको हिलिहाङ र फिदिम सिमानामा रहेको हेंवा खोलामा निर्माण गरिएको डाइभर्सन बाढीले बगाएपछि पाँचथर–ताप्लेजुङ सडकखण्ड पूर्ण रूपमा अवरुद्ध भएको छ। मंगलबार अपराह्नदेखि निरन्तर परेको वर्षाका कारण खोलामा पानीको सतह बढ्दा बाढीले डाइभर्सनमा क्षति पुर्‍याएको हो। पानीको चापले दुईवटा ह्युम पाइप थिचिएर वरिपरिको ढुंगा र बालुवा बगाउँदा सडक अवरुद्ध भएको प्रहरीले जानकारी दिएको छ। प्रहरीका अनुसार आज बिहानैदेखि डाइभर्सन मर्मतका लागि स्काभेटर प्रयोग गरिएको र खोलाको सतह घट्दै गएकाले केहि घण्टाभित्रै सडक सञ्चालनमा ल्याउने प्रयास भइरहेको छ। एक सातादेखि खडेरी रहेको फिदिम र आसपासका क्षेत्रमा मंगलबार अपराह्न फालेलुङ र फिदिमको माथिल्लो भेगमा परेको अविरल वर्षाका कारण हेंवा खोलामा…

काकडभिट्टा नाकाबाट पेस्तोलसहित भारतीय नागरिक पक्राउ

पूर्वी गर्जन0 Commentsताजा खबर, समाचार

झापा । झापाको मेचीनगर नगरपालिका–६ स्थित मेची भन्सार कार्यालयको परिसरबाट सशस्त्र प्रहरी बल नेपाल र इलाका प्रहरी कार्यालय काँकरभिट्टाको संयुक्त टोलीले एक भारतीय नागरिकलाई प्रतिबन्धित हतियारसहित पक्राउ गरेको छ। आज असार २४ गते बिहान करिब ८:५० बजे भारतको पश्चिम बंगाल राज्य, दार्जिलिङ जिल्लास्थित जलपाईगुड़ी अन्तर्गत भक्तिनगर सेवक रोड, सिलिगुडी निवासी २५ वर्षीय प्रतिक अग्रवाल नामका व्यक्तिलाई प्रहरीले नियन्त्रणमा लिएको हो। पक्राउ परेका अग्रवालले WB 74 AJ 0400 नम्बरको होन्डा स्कुटर चलाइरहेका थिए। स्कुटरको डिक्की भित्र लुकाई छिपाई राखिएको अवस्थामा एक थान एयर पेस्तोल फेला परेको थियो। त्यस्तै, उनले बोकेको साइड ब्याग भित्र प्लास्टिकको पोकोमा सो पेस्तोलमा प्रयोग हुने १८ थान…

किर्ते काण्ड ढाकछोप गर्न जनप्रतिनिधिको बदनामी, घटनाको पर्दाफास

पूर्वी गर्जन0 Commentsताजा खबर, समाचार, स्थानीय तह विशेष

झापा, असार २२ । बुद्धशान्ति गाउँपालिका–१ को सर्जमिन प्रमाणपत्र किर्ते प्रकरणको विषयमा व्यापक विवाद चुलिएको छ। वडाबाट सर्जमिन किर्ते गरी पठाइएको भनी “बुद्धशान्ति साप्ताहिक” नामक फेसबुक पेजमार्फत सार्वजनिक आरोप लगाइएपछि वडा कार्यालयले प्रेस विज्ञप्ति जारी गर्दै ती दावीहरू “झुटा, कपोलकल्पित, बदनियतपूर्ण र नियोजित” भएको स्पष्ट पारेको छ। वडाध्यक्ष अनिल वाग्ले र वडा सदस्य लक्ष्मी कँडेलमाथि घरमै बसेर किर्ते सर्जमिनमा हस्ताक्षर गरेको आरोप लगाइएको थियो। तर वडा कार्यालयका अनुसार ती कागजातमा कर्मचारीको किर्ते हस्ताक्षर निवेदक आफैंले प्रयोग गरेको पाइएको छ। वडा कार्यालयले सार्वजनिक गरेको विवरण अनुसार सर्जमिन निवेदन दिने भोजराज भट्टराई र उनका छोरा उमेश भट्टराई हुन्। उमेश भट्टराई “बुद्धशान्ति साप्ताहिक”…

गरामनीमा जंगली हात्तीको आक्रमणबाट एक व्यक्तिको मृत्यु

पूर्वी गर्जन0 Commentsताजा खबर, समाचार

झापा। झापाको बिर्तामोड नगरपालिका–७, फक्तालुङमा जंगली हात्तीको आक्रमणबाट एक जनाको मृत्यु भएको छ। बिहीबार बिहान ३ः४५ बजे शौचालयका लागि आफ्नै घरबाहिर आँगनमा निस्किएका ५९ वर्षीय लोकप्रसाद लिम्बुलाई एक जंगली हात्तीले आक्रमण गरी किच्दा घटनास्थलमै मृत्यु भएको जिल्ला प्रहरी कार्यालयले जनाएको छ। घटनापछि हात्ती दक्षिणतर्फ भागेको थियो। टेलिफोनमार्फत जानकारी प्राप्त हुनासाथ इलाका प्रहरी चौकी गरामनीबाट प्रहरी टोली खटिई घटनास्थल सुरक्षित पारिएको थियो। घटनाको थप अनुसन्धान तथा कानुनी प्रकृयाका लागि इलाका प्रहरी कार्यालय अनारमनीबाट टोली परिचालित गरिएको जनाइएको छ। प्रारम्भिक अनुसन्धानपछि बिहान ७ः३५ बजे कानुनी प्रक्रिया पूरा गरी मृतकको शव पोष्टमार्टमका लागि प्रदेशिक अस्पताल भद्रपुर पठाइएको प्रहरीले जनाएको छ। वन क्षेत्र नजिकका…

विरोधका बाबजुद अमेरिकी सरकारले एमसीसी परियोजना अगाडि बढायो

पूर्वी गर्जन0 Commentsताजा खबर, समाचार

काठमाडौँ — मिलेनियम च्यालेञ्ज एकाउन्ट नेपाल विकास समिति (एमसीए–नेपाल)लाई पुनः सक्रियताका साथ अगाडि बढ्न बाटो खुलेको छ। अमेरिकी सरकारले एमसीसी परियोजनालाई निरन्तरता दिने निर्णय गरेसँगै एमसीए–नेपालले त्यसको स्वागत गरेको छ। विरोधका स्वरहरू उठिरहेका बेला यो निर्णय आएको हो। विशेषगरी विप्लव नेतृत्वको नेपाल कम्युनिस्ट पार्टी (नेकपा) लगायतका केही दल तथा समूहहरूले एमसीसी परियोजनालाई ‘नेपालको सार्वभौमिकतामाथिको हस्तक्षेप’ भन्दै तीव्र आलोचना गर्दै आएका छन्। विभिन्न ठाउँमा विरोध प्रदर्शनहरू पनि भइरहेका छन्। बुधबार जारी विज्ञप्तिमा एमसीए–नेपालले भनेको छ, “अमेरिकी वैदेशिक सहयोगमा लगाइएको स्थगनका सन्दर्भमा विशेष छुट अन्तर्गत एमसीसी नेपाल कम्प्याक्टको कार्यान्वयनलाई निरन्तरता दिने अमेरिकी सरकारको निर्णयको हामी स्वागत गर्दछौँ।” एमसीए–नेपालले हालसम्म २९७ किलोमिटर विद्युत्…

ताप्लेजुङमा पहिरो जाँदा पाँच घाइते, १ को अवस्था गम्भीर

पूर्वी गर्जन0 Commentsताजा खबर, समाचार

ताप्लेजुङ — ताप्लेजुङको सिदिङबा गाउँपालिका–५, आङखोपमा पहिरोले घर पुरिँदा पाँच जना घाइते भएका छन्। स्थानीय हस्तबहादुर कटुवालको घरमा गएको राति करिब १ बजेतिर पहिरो खस्दा उनकी ५० वर्षीया श्रीमती ठगमाया कटुवाल गम्भीर घाइते भएकी छन्। अन्य चार जना परिवारका सदस्य सामान्य घाइते भएका वडाध्यक्ष रत्नबहादुर खत्रीले जानकारी दिए। वडाध्यक्ष खत्रीका अनुसार कुलोमा बगेको पानी थुनिँदा खेत हुँदै पहिरो खसेर घरमा ठोक्किएको थियो। पहिरोले घर पुरिएपछि छेउको मतानमा सुतेका छोराबुहारीले तत्कालै आमाबुबाको उद्धार गरेका थिए। घाइतेमध्ये घरमालिक हस्तबहादुर कटुवाल, छोरा जगत कटुवाल, बुहारी सरस्वती कटुवाल र छोरी सम्झना कटुवाललाई सामान्य चोट लागेको जनाइएको छ। गम्भीर घाइते ठगमायाको थप उपचारका लागि एम्बुलेन्स…