बाहुण्डाँगीको ‘जमघट’ चिया: टिकटक भिडियो प्रतियोगितामार्फत बजार विस्तार गरिँदै

मेचीनगर । झापाको मेचीनगर–०२ बाहुनडाँगीस्थित चिया संसार प्रालिले आफ्नै उत्पादन ‘जमघट’ चियालाई देशभरका भान्सामा पुर्याउन नयाँ रणनीति सार्वजनिक गरेको छ। कम्पनीले तीजलाई लक्षित गर्दै टिकटक भिडियो प्रतियोगिता आयोजना गर्ने घोषणा गरेको हो। बुधबार उद्योग परिसरमा आयोजित पत्रकार सम्मेलनमा प्रालिका अध्यक्ष सचिन निरौलाले हात्ती प्रभावित बाहुनडाँगीका किसानले उत्पादन गरेको गुणस्तरीय चियाको बजार विस्तारका लागि यो अभियान सुरु गरिएको जानकारी दिए। ‘बाहुनडाँगीका किसानले धान खेती मासेर चियाका बुटा रोपेका छन्। यही उत्पादन प्रशोधन गरेर हामी ‘जमघट’ तयारी चिया बजारमा पठाइरहेका छौं,’ अध्यक्ष निरौलाले भने, ‘यो चिया बिक्री नभए बाहुनडाँगीवासीको भान्सामा आगो बल्दैन।’ उनले नेपालमा तयार चियाको वार्षिक उत्पादन करिब २ करोड केजी…

ढाका – मिना देउवाको ह्याट्रिकसहित नेपालले साफ यू-२० महिला च्याम्पियनसिपमा श्रीलंकामाथि ७-० को फराकिलो जित दर्ता गरेको छ। बंगलादेशको बसुन्धरा किङ्स एरिनामा वर्षाका कारण ढिला गरी सुरु गरिएको खेलमा नेपालले उत्कृष्ट प्रदर्शन गर्दै गोलको वर्षा गर्यो। नेपालको जितमा मिना देउवाले ह्याट्रिक गरिन्। पूर्णिमा राईले दुई गोल गर्दा समिक्षा मगर र सरिता कुमारी नाथले एक–एक गोल थपे। खेलको आठौं मिनेटमा मिना देउवाले बक्स बाहिरबाट गरेको प्रहार गोलमा परिणत गर्दै नेपाललाई अग्रता दिलाइन्। १३ औं मिनेटमा समिक्षा मगरले श्रीलंकन डिफेन्सले क्लियर गर्न नसकेको बललाई बक्स बाहिरबाट प्रहार गरी गोल गरे। ४२ औं मिनेटमा माया मास्केको लामो प्रहार श्रीलंकाकी गोलकिपरले रोक्न खोजेपनि रिबाउन्डमा…

बिर्तामोड । प्रेस चौतारी नेपाल झापाले स्थापना गरेको पत्रकार उपचार सहयोग कोषलाई सहयोग रकम प्राप्त भएको छ । बिर्तामोडस्थित नेकपा एमालेका नेताहरुले एक कार्यक्रमका बीच सहयोग रकम हस्तान्तरण गरेका हुन्। नेकपा एमाले बिर्तामोड नगर कमिटीको कार्यालयमा नेताहरुले चौतारीको उपचार कोषलाई नगद २७ हजार १ सय रुपैयाँ सहयोग गर्नु भएको प्रेस चौतारी झापाका अध्यक्ष प्रदीप परियारले जानकारी दिए। नेकपा एमाले बिर्तामोड इञ्चार्ज अम्बिर कुमार लिङदेन ११ हजार, बिर्तामोड नगर कमिटी अध्यक्ष सुवास भट्टराई ११ हजार र पार्टीका बिर्तामोड ५ का उपसचिव एवम् नेपाल राष्ट्रिय वाणिज्य संघ बिर्तामोडको उपाध्यक्ष उपेन्द्र बानियाँले ५ हजार १ सय रुपैयाँ रकम कोषलाई सहयोग गरेका हुन् ।…

मेचीनगर, झापा । मेचीनगर नगरपालिका वडा नम्बर ४ ले सञ्चालन गरेको तीन महिने आधारभूत कम्प्युटर तालिम सम्पन्न भएको छ। गत वैशाख ७ गतेदेखि सुरु भएको तालिम असार ३१ गते सम्पन्न भएको हो। वडाको वार्षिक कार्यक्रम अन्तर्गत आयोजित तालिममा एसईई दिएका र इच्छुक गरी कुल ६० जना विद्यार्थी सहभागी भएका थिए। तालिमको प्रशिक्षकका रूपमा एकता खनाललाई जिम्मेवारी दिइएको थियो। वडाले अहिलेसम्म १३० जनालाई कम्प्युटर तालिम दिइसकेको जानकारी दिएको छ। यसअघि पहिलो चरणको तालिममा सहयोगीको रूपमा रहेकी रोशनीका सुनुवार हाल नगरपालिका कार्यालयमा कर्मचारीका रूपमा कार्यरत छन्। प्रशिक्षक एकता खनाल पनि भर्खरै स्वास्थ्य शाखामा परीक्षामार्फत नियुक्त भएकी छन्। समापन समारोहमा सहभागीहरुलाई वडाध्यक्ष अर्जुन…

मेचीनगर । नेपाल–भारत सीमा क्षेत्रको काँकरभिट्टा, भद्रपुरदेखि बिर्तामोडसम्म भारतिय नम्बरप्लेट भएका सवारी साधनहरूले नेपालमा खुलेआम व्यवसायिक सेवा दिँदै आएका छन्। होटल मेचीक्राउन, क्यासिनो भेगस देखि बिर्तामोडको होटल किंग्सबरी र सेभेन हर्स क्यासिनो समेत यस्ता गतिविधिको केन्द्र बन्दै गएका छन्। तर, स्थानीय प्रशासन, सुरक्षा निकाय र भन्सार कार्यालय तीन वर्षदेखि मौन रहँदै आएको देखिन्छ। नेपालको “सवारी तथा यातायात व्यवस्था ऐन, २०४९” अनुसार विदेशी नम्बर प्लेट भएका गाडीले केवल अस्थायी भन्सार प्रज्ञापनसहित व्यक्तिगत प्रयोजनका लागि वर्षमा २८ दिन (एकपटकमा ७ दिनको) सम्ममात्र नेपालमा सञ्चालन गर्न पाउँछन्। व्यवसायिक प्रयोजनमा प्रयोग गर्न भने स्पष्ट रूपमा निषेध गरिएको छ। तर, भारतिय सवारी साधनहरू यहाँ खुलेआम…

झापा । झापाको मेचीनगर नगरपालिका वडा नम्बर -४ बाहुण्डाँगीमा हात्तीमैत्री पर्यटन प्रवर्द्धन र स्थानीय रोजगारी सृजना गर्ने उद्देश्यसहित बाँस तथा काठजन्य हस्तकला सामग्री निर्माण तालिम सम्पन्न भएको छ। कोशी प्रदेशको पर्यटन, वन तथा वातावरण मन्त्रालय, मेचीनगर नगरपालिका वडा नं. ४ र उज्यालो नेपाल बर्दियाको संयुक्त आयोजनामा भएको एक महिनाको तालिम सोमबार सम्पन्न भएको हो। तालिममा स्थानीय बासिन्दालाई स्वरोजगार बनाउने लक्ष्य राखिएको थियो। भद्रपुरस्थित शाक्य हस्तकला केन्द्रका सञ्चालक निर्मल शाक्य र भारतीय प्रशिक्षक गोपाल रोय सिंहले सहभागीहरूलाई बाँस र काठबाट विभिन्न सजावटी तथा घरेलु सामग्री बनाउन सिकाएका थिए। तालिम अवधिमा सहभागीहरूले आकर्षक सामग्रीहरू निर्माण गरेका छन्, जसको बजारमा माग बढेको वडा…

झापा । साफ यू–२० महिला च्याम्पियनसिपमा नेपालले आज श्रीलंकासँग प्रतिस्पर्धा गर्नेछ। खेल नेपाली समय अनुसार साँझ ६:४५ बजे ढाकास्थित बसुन्धारा किंग्स एरिनामा हुनेछ। पहिलो खेलमा भुटानलाई ६–१ ले पराजित गर्दै विजयी सुरुवात गरेको नेपाल दोस्रो खेलमा आयोजक बंगलादेशसँग ३–२ ले पराजित भएको थियो। अब उपाधि सम्भावना कायम राख्न नेपालका लागि श्रीलंकाविरुद्ध फराकिलो जित अनिवार्य बनेको छ। चार टोली सहभागी प्रतियोगितामा बंगलादेश दुई खेलमा जित निकाल्दै ६ अंकसहित अग्रस्थानमा छ। नेपाल तीन अंकसहित दोस्रो स्थानमा रहेको छ भने श्रीलंका दुवै खेल हारेर अंकविहीन छ। उसले बंगलादेशसँग ९–१ र भुटानसँग ५–० को हार ब्यहोरेको थियो। नेपालका लागि अहिलेसम्म पूर्णिमा राईले चार गोल…

बिर्तामोड । सहारा नेपाल बचत तथा ऋण सहकारी संस्था लि.का कर्मचारीमाथि दुव्र्यवहार गर्ने दुई महिलाविरुद्ध जाहेरी दिइएको छ। जाहेरी अनुसार मोरङको मिक्लाजुङ–२ रचनाटार बस्ने नैन प्रसाद लिम्बुकी छोरी दुर्गामाया लिम्बु र चन्द्रलाल मगरकी पत्नी माया मगरले सहारा नेपालका कर्मचारीलाई अपमानजनक व्यवहार गरेका हुन्। सहारा नेपाल मधुमल्ला सेवा केन्द्रका प्रमुख रमेश राई र फिल्ड मेनेजर सुशीला लामिछाने (बी.के) ऋण असुलीका लागि आइतबार गाउँ पुगेका थिए। त्यही क्रममा दुर्गामाया र मायाले अपशब्द प्रयोग गर्दै गालीगलौज मात्र होइन, हातपात गर्दै जुत्ताको माला लगाई दुव्र्यवहार गरेको जाहेरीमा उल्लेख छ। पीडित कर्मचारीका अनुसार योजनाबद्ध रूपमा भएको सो घटनाको भिडियो खिचेर सामाजिक सञ्जालमा समेत सार्वजनिक गरिएको…

सुनसरी । सुनसरीको हरिनगर गाउँपालिका–६ घुस्कीमा एक १८ वर्षीया युवतीको गोली प्रहार गरी हत्या गरिएको छ। शनिबार राति १ बजेतिर स्थानीय अर्सी खातुनको टाउकोमा गोली हानेर हत्या गरिएको जिल्ला प्रहरी कार्यालय सुनसरीले जानकारी दिएको छ। प्रहरीका अनुसार अर्सीलाई उनका भिनाजु आजात मिया जटले गोली प्रहार गरेको प्रारम्भिक अनुसन्धानमा खुलेको छ। आजात मिया भारतीय नागरिक भएको प्रहरीले जनाएको छ। जिल्ला प्रहरी कार्यालयका प्रमुख एसपी सुमनकुमार तिम्सिनाका अनुसार, “भिनाजुले गोली हानेको प्रारम्भिक अनुसन्धानले देखाएको छ। टाउकोमा गोली प्रहार गरेर उनी भारततर्फ भागेका छन्।” घटनास्थल भारतसँगको सीमा क्षेत्र नजिकै रहेको र शंकास्पद व्यक्ति सीमापारि भागेको हुनसक्ने आशंका प्रहरीले गरेको छ। घटनापछि प्रहरीको टोली…

झापा । साफ यू-२० महिला च्याम्पियनसिपको दोस्रो खेलमा नेपालले घरेलु टोली बंगलादेशसँग ३-२ को हार व्यहोरेको छ। खेलको अन्तिम मिनेटसम्म संघर्षपूर्ण प्रदर्शन गरे पनि इन्ज्युरी समयमा गोल खाँदै नेपाल पराजित भएको हो। पहिलो हाफमै बंगलादेशले २-० को अग्रता बनाएको थियो। खेलको १३औं मिनेटमा सिना जहान शिखाले गोल गर्दै घरेलु टोलीलाई अग्रता दिलाइन्। गंगा रोकायाले क्लियर गर्न खोजेको बललाई शिखाले गोलमा परिणत गरेकी हुन्। नेपालले बराबरीको अवसर पाएको थियो। तर, २८औं मिनेटमा अनिषा राईको फ्रि-किक क्रसबारमा ठोक्किएर फर्किएको थियो। ३६औं मिनेटमा नेपाली गोलकिपर सुजाता तामाङले बल समाउन नसकेपछि सागोरिकाले दोस्रो गोल गर्दै बंगलादेशको अग्रता दोब्बर बनाइन्। दोस्रो हाफको सुरुआतमै नेपालकी सिम्रन…