ताजा खबर

सुनसरी । सुनसरीको भोकाहा नरसिंह गाउँपालिका–८ स्थित कब्रिस्थान नजिक हुलाकी लोकमार्गमा मार्बल बोकेको ट्रक दुर्घटना हुँदा पाँच जनाको घटनास्थलमै मृत्यु भएको छ। आज बिहान करिब ६ बजेको समयमा विराटनगरबाट राजविराजतर्फ जाँदै गरेको को १ ख ४५४१ नम्बरको मार्बल बोकेको ट्रक अनियन्त्रित भई हुलाकी लोकमार्गको पश्चिमतर्फ रहेको मकैबारीमा पल्टिएको हो। दुर्घटनामा ट्रकमा सवार ९ जनामध्ये अगाडि सवार ३ जना सकुशल निस्किएका थिए भने पछाडि सवार ५ जना कामदार ट्रकमा च्यापिएका थिए। घटनापछि विराटनगरबाट आएको एक क्रेन को सहायताले ट्रक निकाल्ने क्रममा पछाडि सवार पाँचै जनाको घटनास्थलमै मृत्यु भएको प्रहरीको भनाइ छ। मृतकहरूलाई पोष्टमार्टमका लागि बिहान ८:२० बजे जिल्ला अस्पताल सुनसरी, इनरुवा…

मेचीनगर । विद्यार्थीहरूको प्रतिभा र क्षमता अभिवृद्धि गर्ने उद्देश्यले स्कूलस् ब्रेन वेभ सर्कलको आयोजनामा माघ ३ गतेदेखि ५ गतेसम्म पालिका स्तरीय इन्टर स्कूल स्पोर्ट कप आयोजना हुने भएको छ। आयोजकले बुधबार धुलाबारीमा पत्रकार सम्मेलनको आयोजना गरी प्रतियोगिताबारे जानकारी दिएको हो। पत्रकार सम्मेलनमा स्कूलस् ब्रेन वेभ सर्कलका संरक्षक तथा प्याब्सन मेचीनगरका पूर्व अध्यक्ष डम्बर रुचालले विद्यार्थीहरूको प्रतिभा उजागर गर्नुका साथै खेलकुदप्रति उत्साह जगाउन प्रतियोगिता आयोजना गर्न लागिएको बताए। https://youtu.be/wM_3HfMFcUI उनका अनुसार स्पोर्ट कप अन्तर्गत फुटबल, म्याराथुन दौड तथा टेबल टेनिस प्रतियोगिता सञ्चालन हुनेछन्। माघ ३ गते मेचीनगर–३ स्थित बडाखाल खेल मैदानमा सिनियर छात्र तथा छात्रातर्फको फुटबल प्रतियोगिता हुने छ भने सोही…

मेचीनगर, झापा । झापाको मेचीनगर नगरपालिकाको आयोजनामा तथा सशस्त्र प्रहरी बल नेपाल नम्बर–२ गण, झापाको समन्वयमा सञ्चालन गरिएको समुदाय विपद् व्यवस्थापन सम्बन्धी १८ दिने तालिम सम्पन्न भएको छ। नगरपालिकाको सभाहलमा सञ्चालन गरिएको उक्त तालिममा स्थानीय स्वयंसेवक तथा नगर प्रहरी गरी २० जनाको सहभागिता रहेको थियो। तालिममा सशस्त्र प्रहरी बलका प्रशिक्षकहरूले स्थानीयकमार्फत स्थानीय तहमा आइपर्न सक्ने विभिन्न विपद् जोखिम, त्यसको पूर्वतयारी, उद्धार तथा न्यूनीकरणका उपायबारे व्यावहारिक प्रशिक्षण प्रदान गरेका थिए। तालिम समापनका अवसरमा आज काकडभिट्टा खेलमैदानमा प्रशिक्षार्थीहरूलाई प्रमाणपत्र वितरण गर्नुका साथै तालिमका क्रममा सिकेका सीप र ज्ञानको प्रदर्शनीसमेत गरिएको थियो। समापन कार्यक्रममा सशस्त्र प्रहरी बल नेपाल वराह बाहिनीका प्रमुख डिआइजी कुमार…

काठमाडौ । नेपाल कम्युनिस्ट पार्टी (माओवादी) ले भेनेजुएलामाथि अमेरिकाले गरेको सैन्य हस्तक्षेपको घोर भत्सर्ना गरेको छ । नेकपा (माओवादी)का महासचिव विप्लव सीले शनिवार एक प्रेश विज्ञप्ति जारी गर्दै भेनेजुएलामाथि अमेरिकाले गरेको सैन्य हस्तक्षेपको घोर भत्सर्ना गर्नु भएको हो । माओवादीले समाजवादी भेनेजुएलामाथि फरक विचार र सत्ता संचालनकै कारण गरिएको अमेरिकी हमला साम्राज्यवादी– सैन्य हस्तक्षेप भएको दाबी गरेको छ । माओवादीले विज्ञप्तिमा भनेको छ ‘अमेरिकाले लागुपदार्थ ओसारपसारको कृतिम आरोप थोपर्दै सार्वभौम मुलुक भेनेजुएलामाथि विध्वंसकारी सैन्य हमला गरेको छ । यसले विश्वलाई स्तब्ध बनाएको छ । हामी यो विध्वंसकारी र अतिक्रमणकारी हमलाको घोर भत्सर्ना गर्दछौं ।’ माओवादीले राष्ट्रको सार्वभौमिकता, राजनीतिक स्वतन्त्रता, विचार स्वतन्त्रता,…

पानीटंकी, भारत । नेपाल- भारत सीमास्थित काकडभिट्टा - पानीटंकी नयाँ पुल क्षेत्रबाट वन्यजन्तुका हड्डी तथा अंगसहित दुई जना नेपाली नागरिक पक्राउ परेका छन्। पुस १७ गते राति करिब ९:४० बजे भारतको सशस्त्र सीमा बल (एसएसबी) अन्तर्गत सी कम्पनी, पानीटंकीको टोली नेपाल - भारत आवतजावत गर्ने यात्रु तथा सामानको नियमित जाँच तथा खानतलासीमा खटिएको थियो। सोही क्रममा नेपालबाट सिलिगुडी (भारत) तर्फ जाँदै गरेको एउटा ट्याक्सी जाँच चौकीमा रोकिएको थियो। एक्स–रे स्क्यानरमार्फत झोला जाँच गर्दा दुई जना यात्रुहरूले शंकास्पद व्यवहार देखाएपछि सुरक्षा टोलीले झोला गहिरो रूपमा जाँच गरेको थियो। जाँचका क्रममा उनीहरूको झोलाभित्र जनावरका हड्डी तथा अन्य अंगहरू फेला परेपछि दुवै जनालाई…

भद्रपुर, झापा । आज साँझ करिब ९ :१० बजे, झापाको भद्रपुर नगरपालिका–८ स्थित भद्रपुर (चन्द्रगढी) विमानस्थलमा अवतरणका क्रममा बुद्ध एयरको ATR–72 (फ्लाइट नम्बर 901) विमान दुर्घटनाग्रस्त भएको छ । काठमाडौँबाट ५१ जना यात्रु र ४ जना चालक दलसहित भद्रपुरका लागि उडेको उक्त विमान रन–वेमा अवतरण गर्ने क्रममा पूर्वतर्फ ओभररन भई करिब ३०० मिटर अगाडि भासिँदा क्षतिग्रस्त भएको हो । दुर्घटनापछि तत्काल उद्धार कार्य सुरु गरिएको र सबै यात्रु तथा चालक दलका सदस्यहरूलाई सुरक्षित रूपमा विमानबाट बाहिर निकालिएको जनाइएको छ । हालसम्म मानवीय क्षतिबारे यकिन विवरण आउन बाँकी रहेको र सम्बन्धमा थप बुझ्ने कार्य भइरहेको छ । घटनास्थलमा जिल्ला प्रहरी कार्यालय…

मेचीनगर । मेचीनगर–६ स्थित पशुपति अंग्रेजी माध्यमिक विद्यालयका विद्यार्थीहरूले बुधबार विभिन्न आकर्षक सीप र कला प्रदर्शन गरेका छन्। विद्यालयले सिनियर तहका विद्यार्थीहरूको सहभागितामा विभिन्न विधासम्बन्धी प्रदर्शनी आयोजना गरेको हो। प्रदर्शनीमा पर्यावरण, संस्कार र संस्कृति, विज्ञान, गणित, नेपाली भाषा, चित्रकला तथा हस्तकलासँग सम्बन्धित सामग्रीहरू प्रस्तुत गरिएको थियो। विद्यार्थीहरूले निर्माण गरेका धरहरा, काँकरभिट्टास्थित विश्वनाथ शिवालय मन्दिर, कृष्ण थुम्की, मिनी माउन्टेन, विभिन्न पर्यटकीय तथा धार्मिक स्थलका नमूना, स्मार्ट सिटी, प्रदूषण नियन्त्रणसम्बन्धी सामग्री, ब्रह्माण्ड, वन–जंगललगायत विज्ञानका आकर्षक नमूनाले विद्यालय परिसरमा निर्माण गरिएका पाँचवटा स्टल भरिभराउ देखिन्थे। प्रदर्शनीमा राखिएका सामग्रीबारे विद्यार्थीहरूले आफैं अभिभावकहरूलाई जानकारी गराएका थिए। आफ्ना नानीहरूले निर्माण गरेका सामग्री अवलोकन गर्न पुगेका अभिभावकहरू…

मेचिनगर । झापाको मेचिनगर नगरपालिका–१५, बिचार्निस्थित ज्ञानदीप प्राथमिक विद्यालय अगाडि युथ फर सोसाइटी मेचीनगर -१५ को आयोजनामा समुदायस्तरीय फुल रोप्ने कार्यक्रम सम्पन्न भएको छ। गाउँलाई हरियाली, स्वच्छ र आकर्षक बनाउने उद्देश्यले आयोजना गरिएको कार्यक्रममा बिचार्नी कीर्तन समूह, पाथीभरा कीर्तन समूह तथा युथ फर सोसाइटी मेचीनगर-१५ का सदस्यहरूको सक्रिय सहभागिता रहेको थियो। सहभागीहरूले आफूसँग भएका फुलका बिरुवा तथा सार्न मिल्ने फुलका बोटहरू रोपण गरेका थिए। फुलले वातावरणीय सौन्दर्य बढाउनुका साथै सामुदायिक चेतना अभिवृद्धि गर्ने भएकाले यस्ता कार्यक्रमलाई निरन्तरता दिइने युथ फर सोसाइटी मेचीनगर-१५ ले जनाएको छ। कार्यक्रम सफल बनाउन प्रत्यक्ष सहयोग पुर्‍याउने ज्ञानदीप प्राथमिक विद्यालय, बिचार्नी कीर्तन समूह, पाथीभरा कीर्तन समूह…

अपेक्षित सहभागिता नजुट्दा गायन–नृत्य प्रतियोगिता औपचारिकतामै सीमित मेचीनगर । विद्यालयहरूलाई एकताबद्ध गर्दै विद्यार्थीको सिर्जनशीलता र प्रतिभा उजागर गर्ने उद्देश्यले आयोजना गरिएको प्याब्सन मेचीनगरको अन्तरविद्यालय गायन तथा नृत्य प्रतियोगिता अपेक्षित सहभागिता नजुट्दा औपचारिकतामै सीमित बनेको छ । नगरभित्रका अधिकांश निजी विद्यालय सहभागी नहुनु र उत्साहजनक वातावरण नदेखिनुले कार्यक्रमले आफ्नो मूल उद्देश्य नै गुमाएको सरोकारवालाहरूको टिप्पणी छ । प्याब्सन मेचीनगरको आयोजनामा शनिबारदेखि धुलाबारीस्थित पासाङल्हामु जेसीज प्रतिष्ठानको सभाहलमा सुरु भएको प्रतियोगिता आइतबार सम्पन्न भएको थियो । तर धेरै सदस्य विद्यालयको अनुपस्थिति, न्यून सहभागिता र कमजोर प्रतिस्पर्धात्मक माहोलले कार्यक्रमको प्रभावकारितामाथि गम्भीर प्रश्न उठाएको छ । सिर्जनशीलता विकास, प्रतिभा पहिचान र विद्यालयबीच सहकार्य प्रवर्द्धन गर्ने…

मेचीनगर । युथ फोर सोसाइटी मेचिनगर–१५ ले समुदायप्रतिको उत्तरदायित्व र मानवीय भावनालाई महत्व दिँदै जाडोबाट बालबालिकालाई सुरक्षित राख्ने उद्देश्यका साथ ज्ञानदीप प्राथमिक विद्यालयका कक्षा १, २ र ३ मा अध्ययनरत विद्यार्थीहरूलाई न्यानो नयाँ कपडा वितरण गरेको छ। कठ्याङ्ग्रिदो जाडोमा बालबालिकाले सहज रूपमा विद्यालय आउने–जाने वातावरण मिलोस् भन्ने उद्देश्यले आयोजना गरिएको कार्यक्रममा विद्यालय व्यवस्थापन समितिका अध्यक्ष नगेन राजबंशी, प्रधानाध्यापक अन्नु पौडेल, विद्यालयका शिक्षक–शिक्षिका, युथ फोर सोसाइटी मेचिनगरका कोषाध्यक्ष खिरोज बराल, मेचिनगर–१५ का संयोजक जयराम दाहाल, सचिव आयुस्का श्रेष्ठ, कोषाध्यक्ष स्मृति राउत, उप–कोषाध्यक्ष दिक्षा साह तथा सदस्य मनिसा बुढाथोकीको उपस्थिति थियो। कार्यक्रम सफल बनाउन महत्वपूर्ण सहयोग प्रदान गर्ने काजल थुम्सुयाङ्गप्रति संस्थाले विशेष…