सशस्त्र प्रहरीद्वारा मेचीनगरबाट एकल वृद्ध पुरुषको उद्धार

झापा । मेचीनगर नगरपालिका–१५ टुक्रे बाँधस्थित मेची नदीबाट करिब १५० मिटर पूर्व चिया बगान क्षेत्रमा टहरा बनाई बस्दै आएका एकल वृद्ध पुरुषको उद्धार गरिएको छ। आज  दिउँसो १२:४० बजेको समयमा सानो पराल र प्लास्टिकले बनाइएको टहरामा बसोबास गर्दै आएका करिब ६८ वर्षीय पूर्णबहादुर भट्टराईलाई सशस्त्र प्रहरी बल नेपाल बीओपी ज्यामिरगढीबाट सप्रनानी अमर खड्काको कमाण्डमा खटिएको ७ जनाको टोलीले उद्धार गरेको हो। खुट्टा राम्रोसँग नचल्ने तथा छोरा–छोरी वा अन्य आफन्त कोही नभएको बताउने भट्टराईसँग प्रारम्भिक सोधपुछ गर्दा मानव सेवा आश्रममा बस्न स्वीकृति जनाएपछि उद्धार प्रक्रिया अघि बढाइएको थियो। सशस्त्र प्रहरी टोलीले मेचीनगर नगरपालिका–४ स्थित मानव सेवा आश्रमका जिल्ला संयोजक खगेन्द्र मानव…

झापा । मेचीनगर–३ निवासी बिनोद रिमाल शर्माले आफ्नो ३०औँ जन्मदिनलाई समाजसेवामूलक कार्यमार्फत मनाउँदै प्रेरणादायी उदाहरण प्रस्तुत गरेका छन्। हाल व्यापारिक सिलसिलामा जिल्ला बाहिर रहेका शर्माले सामाजिक सद्भाव, दृढ इच्छाशक्ति र जिम्मेवारीबोधका साथ जन्मदिनलाई औपचारिक उत्सवमा सीमित नराखी मानवीय सेवामा समर्पित गरेका हुन्। उनले “सानो कर्म भए पनि समाजका लागि केही गर्नुपर्छ” भन्ने भावनासहित यस अभियानको सुरुवात गरेका बताए। उनको पहलमा  विशाल बास्तोला मार्फत काठमाडौंस्थित मेचीनगरपालिका–१ मा रहेको बाल आश्रम तथा मेचीनगरपालिका–७ स्थित देवाश्री आश्रममा २० हजार रुपैयाँ बराबरको सहयोग प्रदान गरिएको छ। उक्त अवसरमा आश्रममा आश्रित बालबालिका तथा वृद्धहरूलाई भोजन गराइएको, आवश्यक सामग्री वितरण गरिएको तथा केही स्थानमा कुर्सीसमेत प्रदान…

बिर्तामोड, फागुन २ । विदेशी खेलाडी चम्किँदा मछिन्द्र फुटबल क्लबले चारपटकको झापा गोल्डकप विजेता त्रिभुवन आर्मी फुटबल क्लबलाई ४–० ले पराजित गर्दै फाइनल प्रवेश गरेको छ । मछिन्द्रका स्ट्राइकरसमेत रहेका विदेशी खेलाडी जोनाथन जोरिल्लाको ह्याट्रिक मद्दतमा मछिन्द्र फाइनल प्रवेश गरेको छ । मछिन्द्रले उपाधिका लागि सशस्त्र प्रहरीको एपिएफ फुटबल क्लबसँग प्रतिस्पर्धा गर्नेछ । मछिन्द्रले खेलको चौथो मिनेटमै अग्रता लियो । मछिन्द्रका लागि जोनाथन जोरिल्लाले गोल गरे । अयोला हमजातको क्रस पासमा डिबक्समा अनमार्क रहेका जोरिल्लाले वान टचमा गोल गरेका थिए । खेलको २४ औँ मिनेटमा मछिन्द्रले पेनाल्टी पायो । जोरिल्लाको फ्रिकिक प्रहारमा आर्मीका खेलाडीको डिबक्समा ह्यान्डबल भएपछि मछिन्द्रले पेनाल्टी पाएको…

झापा । फागुन २१ मा हुने प्रतिनिधिसभा निर्वाचनको तयारीसँगै झापा क्षेत्र नम्बर–१ फेरि एकपटक राष्ट्रिय राजनीतिको केन्द्रमा आएको छ। १ लाख ३१ हजारभन्दा बढी मतदाता र ४५ वटा मतदान स्थल रहेको यो क्षेत्र भौगोलिक मात्र होइन, आर्थिक र सामरिक दृष्टिले पनि संवेदनशील मानिन्छ। विसं २०७९ को निर्वाचनमा नेपाली कांग्रेसका उपसभापति विश्वप्रकाश शर्मा विजयी भएको यस क्षेत्रमा यसपटक कांग्रेसले युवा नेता केशवराज पाण्डे लाई उम्मेदवार बनाएको छ। सीमावर्ती मेची भन्सार, ड्राइपोर्ट, अन्तर्राष्ट्रिय व्यापारको सम्भावना, सुकुम्बासी बस्ती, हात्तीको आक्रमण र नदी कटानजस्ता जटिल समस्याबीच पाण्डे आफूलाई ‘रैथाने उम्मेदवार’का रूपमा प्रस्तुत गरिरहेका छन्। तत्कालीन ज्यामिरगढी गाउँपालिका वडा नम्बर–८ मा जन्मिएका पाण्डेको बाल्यकाल पूर्वी…

बिर्तामोड, फागुन १ । टाइब्रेकरमा भाग्यमानी सावित हुँदै सशस्त्र प्रहरी बलको एपिएफ फुटबल क्लब झापाको डोमालाल राजवंशी रंगशालामा जारी एक्स्ट्रिम सातौँ झापा गोल्डकप फुटबल प्रतियोगिताको फाइनलमा प्रवेश गरेको छ । एफिएफले आयोजकको टिम झापा–११ फुटबल क्लबलाई टाइब्रेकरमा ४–२ गोल अन्तरले पराजित गर्दै फाइनल यात्रा तय गरेको हो । एक गोलले पछि परेको अवस्था उल्टाउँदै एपिएफले कमब्याक जित हासिल गरेको हो । जितसँगै एपिएफले कम्तिमा ७ लाख ५० हजार रुपैयाँ सुरक्षित गरेको छ । एपिएफका लागि सुमन श्रेष्ठ, दिपेश धिमाल, सन्तोष खत्री र समिराज थोकरले गोल गरेका थिए भने नविन लामाको प्रहार झापाका गोलकिपर सन्दिप लिम्बुले रोकेका थिए । झापाका तर्फबाट…

बिर्तामोड, फागुन १ । झापाका अग्रज खेल पत्रकार रमेश समदर्शी राईलाई सातौँ झापा गोल्डकप विनोद बस्नेत स्मृति संस्करणको अवसरमा आयोजक समितिले शुक्रबार सम्मानसहित पुरस्कृत गरेको छ । झापाको डोमालाल राजवंशी रंगशालामा जारी झापा गोल्डकपको अवसरमा आज अग्रज पत्रकार समदर्शीलाई विशेषगरी खेल क्षेत्रलाई प्राथमिकतामा राखेर खेलाडी, प्रतियोगिता र खेल संरचनाको विकासका लागि पुर्याएको योगदानको कदर गर्दै नगदसहित सम्मान गरिएको हो । नेपाल खेलकुद पत्रकार मञ्च झापाका संस्थापक अध्यक्ष समदर्शीले खेल पत्रकारितालाई संस्थागत रुप दिन, खेलाडीलाई प्रोत्साहन गर्न तथा झापालाई खेल गतिविधिको केन्द्रका रुपमा स्थापित गर्न महत्वपूर्ण भूमिका निर्वाह गरेको उल्लेख गर्दै आयोजकले कदरस्वरुप आज सम्मान गरिएको उल्लेख छ । अर्जुनधारा प्रेस…

बिर्तामोड, माघ २९ । राष्ट्रिय खेलाडी सम्मिलित मच्छिन्द्र फुटबल क्लब मलेसियाको एन पेनाङ फुटबल क्लबसामु कठिन जित निकाल्दै सेमिफाइनल प्रवेश गरेको छ । मलेसियालाई २–१ गोल अन्तरले पराजित गर्दै मछिन्द्रले सेमिफाइनलमा त्रिभुवन आर्मी फुटबल क्लबसँगको भेट पक्का गरेको छ । सुरुवाती अग्रता लिएको मछिन्द्रले दोस्रो हाफमा भने मलेसियाको दबाब सामना गरेको थियो । दोस्रो हाफको अधिकांश समय बल पोजिसन राखे पनि मलेसियाले पाएका अवसरलाई सदुपयोग गर्न नसक्दा पहिलो खेलबाट घर फर्किएको छ । खेलको १९ औँ मिनेटमा मछिन्द्रले अग्रता लियो । डिबक्समा विपक्षी डिफेन्डरले क्लियर गर्न नसकेको बललाई मछिन्द्रका सनिश श्रेष्ठले गोलमा परिणत गरेका थिए । गोलकिपरको हातबाट फुत्किएको बलले…

बिर्तामोड, माघ २८ । सशस्त्र प्रहरीको एपिएफ फुटबल क्लबले हरि कार्कीको ह्याट्रिक मद्दतमा भुटानको रोयल थिम्पु कलेजलाई ४–१ गोल अन्तरले पराजित गर्दै सेमिफाइनल प्रवेश गरेको छ । एकपक्षीय खेलमा एपिएफले खेल अवधिभर भुटानलाई दबाबमा राखेको थियो । खेलको छैटौँ मिनेटमै एपिएफले गोलको खाता खोल्यो । एपिएफका स्ट्राइकर प्रदिप लामाले करिब ३० यार्डबाट गरेको लङ रेञ्जर सटले जाली चुमेको थियो । एपिएफको लागि अर्काे गोल कप्तान हरि कार्कीको नाममा रह्यो । उनले खेलको १८ औँ मिनेटमा दिपेश धिमालले डिबक्समा मिलाइदिएको पासलाई गोल गर्दै अग्रता दोब्बर बनाएका थिए । एपिएफका लागि तेस्रो गोल पनि कप्तान कार्कीकै नाममा रह्यो । २२ औँ मिनेटमा…

बाहुण्डाँगी । श्री गणेश नर्सरी मेचीनगर २ को दोस्रो बार्षिक उत्सव मंगलवार सम्पन्न भएको छ । मेचीनगर २ सरस्वती टोलमा बार्षिक उत्सव तथा सांगितिक साँझको रुपमा आयोजित कार्यक्रममा चर्चित गायक हिमाल सागरको विशेष प्रस्तुती रहेको थियो । हिमालले एक दर्जन भन्दा बढी उनका चर्चित गीतहरु गाएर दर्शकलाई मनोरन्जन गराएका थिए । यसैगरी सोही अवसरमा अर्का कलाकार सन्तोष पन्तको समेत विशेष प्रस्तुती रहेको थियो । यसैगरी स्थानिय कलाकारहरुले पनि विभिन्न गित गाएका थिए। नर्सरीका सन्चालन भीम भट्टराई (दिनेश) को सभापतित्व तथा वडा अध्यक्ष दिपक बरालको प्रमुख आतिथ्यतामा सम्पन्न कार्यक्रममा व्यवसायी आनन्द डालमिया, थेसीज अंग्रेजी स्कुलका प्रिन्सिपल डम्बर रुचाल, कृषि वृज्ञ जगननाथ…

बिर्तामोड, माघ १९ । एक्स्ट्रिम सातौँ झापा गोल्डकप विनोद बस्नेत स्मृति संस्करणको खेल तालिका सार्वजनिक गरिएको छ । आयोजक झापा गोल्डकपले आज सामाजिक सञ्जालमार्फ खेल तालिका सार्वजनिक गरेको हो । माघ २४ गतेदेखि हुने प्रतियोगिताको खेल तालिकाअनुसार उद्घाटन खेलमा आयोजकको टिम झापा ११ फुटबल क्लबले नेपाल पुलिस क्लबको सामना गर्नेछ । त्यस्तै, माघ २५ गते त्रिभुवन आर्मी फुटबल क्लब र चर्च ब्वाइज युनाइटेडबीच प्रतिस्पर्धा हुने अध्यक्ष केदार गिरीले बताए । त्यस्तै, प्रतियोगिताको पहिलो क्वार्टर फाइनल खेल माघ २६ गते उद्घाटन खेलको विजेता र सिक्किमको सिंग्लिङ स्पोर्टिङ क्लबबीच हुनेछ । दास्रो क्वार्टर फाइनल खेल माघ २७ गते दोस्रो दिनको विजेता र…