धुलाबारी। ज्येष्ठ नागरिकहरुको साझा संस्था साठी प्लस समाजले दसैं, तिहार, छठ लगायतका चाडपर्वको उपलक्ष्यमा आज शुभकामना आदानप्रदान कार्यक्रम गरेको छ । मेचीनगर–१० खयरडाँगीस्थित महाङ्कालेश्वर सामुदायिक भवनमा भएको कार्यक्रममा मेचीनगरका जनप्रतिनिधि, राजनीतिक दलका नेता, सामाजिक अगुवा, ज्येष्ठ नागरिक, बुद्धिजीवी, पत्रकार लगायतको उपस्थिति थियो । कार्यक्रममा प्रमुख अतिथि तथा मेचीनगर–१० का वडाध्यक्ष नारायण खनालले ज्येष्ठ नागरिकहरु समाजको पथप्रदर्शक भएको बताउनुभयो । उहाँले आगामी वर्षको बजेटमा साठी प्लस समाजको जग्गामा भवन बनाउन सहयोग पुर्याउने प्रतिवद्धता व्यक्त गर्नुभयो । “जग्गा भएका संस्थाहरुको भवन बनाइदिने नीति लिएका छौं,” वडाध्यक्ष खनालले भन्नुभयो–“प्रगति टोलबाट वडाले त्यस्तो कार्यको सुरुवात गरिसकेको छ । आउँदो वर्षको बजेटमा साठी प्लस समाजको…
