नेपालबाट मधेश टुक्र्याउने धम्कि दिएका जसपा अध्यक्ष यादवलाई माओवादी सहित ६ दलको समर्थन

झापा । मधेस प्रदेशलाई नेपालबाट टुक्र्याउने आपत्तिजनक अभिव्यक्ति दिएका मधेश प्रदेशका जनता समाजवादी पार्टीका प्रदेश अध्यक्ष तथा पूर्व प्रदेशसभा सदस्य अशोक यादवमाथि प्रहरीले दुर्व्यवहार गरेको भन्दै विभिन्न राजनीतिक दलहरूले गम्भीर आपत्ति जनाएका छन्। उनीहरूले उक्त घटनाप्रति गहिरो ध्यानाकर्षण भएको जनाउँदै दोषी प्रहरी अधिकारीलाई कारबाही गर्न माग गरेका छन्। जसपाका जिल्ला अध्यक्ष शम्भु प्रसाद यादव, नेपाल समाजवादी पार्टीका जिल्ला उपाध्यक्ष जितेन्द्र कुमार साह, माओवादी केन्द्रका प्रदेश सदस्य शिव पुजन राय, एकीकृत समाजवादीका जिल्ला प्रतिनिधि सजिव यादव, लोकतान्त्रीक समाजवादी पार्टीका जिल्ला सचिव मिथलेश यादव र जनमत पार्टीका क्षेत्रीय अध्यक्ष दिलिप कर्णले संयुक्त प्रेस विज्ञप्ति जारी गर्दै घटना प्रति आपत्ति जनाएका हुन्। विज्ञप्तिमा…

भद्रपुर। विशेष सूचनाका आधारमा लागुऔषध नियन्त्रण ब्युरो काकडभिट्टा र जिल्ला प्रहरी कार्यालय झापाबाट खटिएको संयुक्त प्रहरी टोलीले झापाको भद्रपुर नगरपालिका–७ स्थित हुलाकी लोकमार्ग छेउको चिया पसल नजिकबाट दुई जना व्यक्तिलाई लागुऔषधसहित पक्राउ गरेको छ। मंगलवार साँझ करिब ५:२० बजे शंकास्पद अवस्थामा रहेका उनीहरूलाई जाँच गर्न खोज्दा प्रहरीलाइ हातपात गरी फरार हुने प्रयास गरेका कारण प्रहरीद्वारा ६ राउण्ड गोली प्रहार गरी उनीहरूलाई नियन्त्रणमा लिइएको प्रहरीले जनाएको छ। प्रहरीको अनुसार भारतको बिहार राज्य अन्तर्गत किशनगञ्ज जिल्ला निवासी ३५ वर्षका मनिसुर आलमको साथबाट प्लास्टिकसहित १११.५० ग्राम तथा प्लास्टिकबाहेक १०३.७० ग्राम ब्राउन सुगरजस्तो देखिने लागूऔषध बरामद गरिएको छ। त्यस्तै अर्का व्यक्ति झापा जिल्ला कचनकवल…

झापा । अस्ट्रेलियाको डार्विनमा आगामी अगस्टमा हुने ‘टप इन्ड टी–२० सिरिज’ मा सहभागी सबै ११ टोलीको टुंगो लागेको छ। सिरिजको आयोजक उत्तरी क्रिकेट संघ (एनटी) ले सोमवार जारी गरेको विज्ञप्तिमार्फत प्रतियोगितामा सहभागी हुने टोलीहरूको नाम सार्वजनिक गरेको हो। एनटीका अनुसार सिरिजमा सहभागी हुने अन्तर्राष्ट्रिय टोलीहरूमा नेपालको राष्ट्रिय टोली, पाकिस्तान ‘ए’, बंगलादेश ‘ए’, र अमेरिकाको माइनर लिग विजेता सिकागो किंग्सम्यान रहेका छन्। त्यस्तै, अस्ट्रेलियाको बिग ब्यास लिग (BBL) अन्तर्गतका हर्बट हुरिकेन्स, पर्थ स्कोर्चर्स, एडिलेड स्ट्राइकर, मेलबर्न स्टार र मेलबर्न रेनेगेड्स का एकेडेमी टोलीहरू पनि प्रतियोगितामा सहभागी हुने भएका छन्। प्रतियोगितामा दुईवटा स्थानीय टोलीको पनि सहभागिता रहने आयोजकले जनाएको छ। सिरिज सन्…

झापा । झापाको मेचीनगर नगरपालिका–६ स्थित मेची भन्सार कार्यालयको परिसरबाट सशस्त्र प्रहरी बल नेपाल र इलाका प्रहरी कार्यालय काँकरभिट्टाको संयुक्त टोलीले एक भारतीय नागरिकलाई प्रतिबन्धित हतियारसहित पक्राउ गरेको छ। आज असार २४ गते बिहान करिब ८:५० बजे भारतको पश्चिम बंगाल राज्य, दार्जिलिङ जिल्लास्थित जलपाईगुड़ी अन्तर्गत भक्तिनगर सेवक रोड, सिलिगुडी निवासी २५ वर्षीय प्रतिक अग्रवाल नामका व्यक्तिलाई प्रहरीले नियन्त्रणमा लिएको हो। पक्राउ परेका अग्रवालले WB 74 AJ 0400 नम्बरको होन्डा स्कुटर चलाइरहेका थिए। स्कुटरको डिक्की भित्र लुकाई छिपाई राखिएको अवस्थामा एक थान एयर पेस्तोल फेला परेको थियो। त्यस्तै, उनले बोकेको साइड ब्याग भित्र प्लास्टिकको पोकोमा सो पेस्तोलमा प्रयोग हुने १८ थान…

मेचीनगर । झापाको मेचीनगर नगरपालिका–४ स्थित मनकामना टोलमा जंगली हात्तीको आक्रमणबाट एक घरमा क्षति पुगेको छ। शनिबार बिहान ३ बजेतिर सुबर्ण कुमार खड्काको भान्साघरमा एक जंगली हात्ती पसेर भान्साघर भत्काउनुका साथै भित्र रहेका खाद्यान्न र अन्य सर–सामान नष्ट गरेको प्रहरीले जनाएको छ। प्रारम्भिक अनुमान अनुसार करीब ५० हजार रुपैयाँ बराबरको क्षति भएको छ। प्रहरी चौकी बाहुनडाँगीमा बिहान ६:४५ बजे घटना सम्बन्धी सूचना प्राप्त भएपछि प्रहरी टोली घटनास्थलमा पुगेर जानकारी लिएको हो। घटनामा मानव वा चौपायामा भने कुनै क्षति नभएको र हात्ती पुनः जंगलतर्फ फर्किएको जनाइएको छ।

भद्रपुर। भद्रपुरबाट उद्धार गरी मानव सेवा आश्रम, मेचीनगर पुर्‍याइएका एक सडक मानवको मृत्यु भएको छ। आइतबार भद्रपुर–१० मा बेवारिसे अवस्थामा हिँडडुल गरिरहेका करीब ५० वर्षीय भुन्टे कुर्मी (वतन नखुलेका) लाई भद्रपुर नगरपालिकाले उद्धार गरी मेचीनगर–४, बाहुनडाँगीस्थित मानव सेवा आश्रममा पठाएको थियो। उद्धार गरिएको भोलिपल्ट सोमबार दिउँसो ३ बजे आश्रममै सुतेको अवस्थामा उनको मृत्यु भएको प्रहरीले जनाएको छ। घटनापछि प्रहरी चौकी बाहुनडाँगी र इलाका प्रहरी कार्यालय काँकडभिट्टाबाट टोली पुगेर कानुनी प्रक्रिया अघि बढाइएको छ। शवलाई पोष्टमार्टमका लागि प्रादेशिक अस्पताल, भद्रपुर पठाइएको छ। प्रारम्भिक जानकारी अनुसार मृतक दुवै मिर्गौला सम्बन्धी रोगबाट पीडित थिए।

रुपन्देही। अख्तियार दुरुपयोग अनुसन्धान आयोगले मर्चवारी गाउँपालिका–३ का वडाध्यक्ष जनार्दन यादवलाई तीन लाख रुपैयाँ घुससहित पक्राउ गरेको छ। आयोगको बुटवलस्थित कार्यालयबाट खटिएको टोलीले वडाध्यक्ष यादवसहित सिद्धार्थनगर नगरपालिका–९ का श्री गणेश ट्रेडिङका सञ्चालक विपिनकुमार पाण्डेयलाई नियन्त्रणमा लिएको हो। आयोगका प्रवक्ता राजेन्द्रकुमार पौडेलका अनुसार वडामा सञ्चालन भइरहेका विभिन्न विकास योजनाको भुक्तानी सिफारिसका लागि वडाध्यक्ष यादवले कमिसन माग्दै आएका थिए। सोही क्रममा पाण्डेयमार्फत तीन लाख रुपैयाँ लिइसकेको अवस्थामा उनीहरूलाई रंगेहात पक्राउ गरिएको हो। दुवैजनालाई नियन्त्रणमा राखी थप अनुसन्धान भइरहेको आयोगले जनाएको छ।

रसुवा । चीनतर्फबाट आएको भीषण बाढीका कारण रसुवाको सीमा क्षेत्रमा रहेको मितेरी पुल बगाएको छ। बाढीले टिमुरेमा रहेको भन्सार कार्यालय परिसर (यार्ड) मा पार्क गरिएका सवारीसाधनसमेत बगाएको सहायक प्रमुख जिल्ला अधिकारी ध्रुवप्रसाद अधिकारीले जानकारी दिएका छन्। उनका अनुसार बाढी आएपछि भन्सार क्षेत्रमा रहेका व्यक्तिहरूको उद्धारमा खटिएका ११ जना उद्धारकर्मी नै जोखिममा परेका छन्। उनीहरूको उद्धारका लागि नेपाली सेनालाई हेलिकप्टरमार्फत सहयोग गर्न अनुरोध गरिएको छ। बाढीले भएको क्षतिको विवरण संकलन गर्ने कार्य जारी रहेको अधिकारीले जानकारी दिए।

बिर्तामोड। झापाको बिर्तामोड नगरपालिका–३ स्थित लिङ्कन मन्टेश्वरी स्कुलका बालबालिकाको दाँतको स्वास्थ्य अवस्थाको मूल्याङ्कन गर्न आज निःशुल्क दन्त परीक्षण कार्यक्रम सम्पन्न भएको छ। लोक स्वास्थ्य डेन्टल क्लिनिकको प्राविधिक सहयोगमा आयोजित सो कार्यक्रममा प्ले ग्रुपदेखि युकेजी कक्षासम्मका सबै बालबालिकाको दन्त परीक्षण गरिएको हो। विद्यालयका सञ्चालक सरोज पौडेलका अनुसार, “अधिकांश बालबालिकामा दाँतको समस्या देखिने भएकाले समयमै पहिचान गरी उपचार गर्न सहयोग पुगोस् भन्ने उद्देश्यले कार्यक्रम सञ्चालन गरिएको हो।” दन्त परीक्षण टोलीको नेतृत्व दन्त चिकित्सक डा. आस्मा भट्टराईले गरेकी थिइन्। परीक्षणपछि उनले बालबालिकामा देखिएको प्रमुख समस्या र समाधान उपायबारे अभिभावकहरूलाई जानकारी गराएकी थिइन्। “बाल्यकालमै देखिने दन्त समस्याको समयमा नै उपचार हुन आवश्यक छ,” उनले…

मेचीनगर । काँकरभिट्टा खानेपानी उपभोक्ता तथा सरसफाइ संस्था अब डिजिटल स्मार्ट प्रणालीतर्फ अगाडि बढेको छ। उपभोक्तालाई छिटो, छरितो र सहज सेवा दिन आइतबारदेखि मोबाइल एप, वेबसाइट र जीआईएस (भौगोलिक सूचना प्रणाली) प्रविधि औपचारिक रूपमा सुरु गरिएको हो। कार्यक्रमको उद्घाटन मेचीनगर नगरपालिकाका प्रमुख गोपालचन्द्र बुढाथोकीले गरे। उनले काँकरभिट्टा खानेपानी प्रणाली अब नमूनाका रूपमा विकसित हुँदै गएकाले डिजिटल प्रविधिको प्रयोग अपरिहार्य भएको बताए। “अब सबैले प्रविधिलाई सदुपयोग गर्नुपर्छ,” उनले भने, “मेचीनगरलाई पनि ९० प्रतिशतसम्म प्रविधिमैत्री बनाउने तयारी गरिएको छ।” संस्थाका अध्यक्ष रोहितकुमार बुढाथोकीले घरघरमा धारा कहाँ छ, कस्तो अवस्थामा छ, पाइप कसरी पुगेको छ, ट्याङ्कीको अवस्था, संस्थाको इतिहास र दस्तावेजजस्ता सम्पूर्ण जानकारी…