मेचीनगर: तोरी खेती प्रवर्द्धन कार्यक्रम प्रभावकारी, किसानले पाए २६ लाख ८३ हजार रूपैयाँ अनुदान

मेचीनगर । मेचीनगर नगरपालिकाको तोरी खेती प्रवर्द्धन कार्यक्रम प्रभावकारी बनेको छ । आर्थिक बर्ष २०८०/८१ मा नगरका पन्ध्रवटै वडामा रहेका किसानलाई तोरी खेती प्रवर्द्धन कार्यक्रम अन्तर्गत अनुदान दिने निर्णय गरेको थियो । जसमा नगरका सबै वडाबाट सहभागी ८३३ किसानलाई अनुदान बापत २६ लाख ८३ हजार ५० रूपैयाँ उपलब्ध गराइएको नगरपालिकाले जनाएको छ । कृषि प्रधान देश भएपनि पछिल्लो समय कृषि पेशा प्रति नागरिकको आकर्षण घट्दै गइरहेको छ । खेतीपातीबाट किसानहरू निराश छन् यसलाई थोरै भएपनि हौसला दिन आफुहरूले किसानलाई अनुदानको व्यवस्था गरिएको नगर प्रमुख गोपालचन्द्र बुढाथोकीले बताए । उनले मेचीनगर क्षेत्रमा हुने बालीहरूलाई उत्पादनसंग जोड्दै किसानलाई आत्मनिर्भर बनाउनुको साथै कृषि…

काठमाडौँ । नेपाल कम्युनिस्ट पार्टीका महासचिव विप्लव सीले अहिलेको व्यवस्थाबाट कुनै पनि हालतमा नेपालमा समाजवाद नआउने ठोकुवा गरेका छन । नेकपा (एकीकृत समाजवादी)को दसौँ राष्ट्रिय महाधिवेशनलाई आईतवार काठमाडौंको कमलादीमा सम्बोधन गर्दै महासचिव विप्लवले यस्तो ठोकुवा गरेका हुन । उनले नेपालमा नेपाली विशेषताको समाजवाद तत्कालिन निकासको विकल्प भएको भन्दै सबै कम्युनिष्टहरुले समाजवादी क्रान्तिको कार्यक्रममा जानु पर्ने सुझाव दिए । महासचिव विप्लवले कांग्रेस र रास्वपाले भन्ने गरेको समाजवादको बारे पनि स्पष्ट हुनुपर्ने बताए । उनले भने ‘अहिलेको व्यवस्थाबाट समाजवाद आउदैन, यो दलाल पुँजीवाद हो । यसले नेपाललाई अगाडि लिदैन । नेपालमा समाजवादको विकल्प छैन । बरु कांग्रेस र रास्वपाले चाहेको समाजवाद के…

विनोद सापकोटा झापा । शिवसताक्षी ४ रङ्गिया थानकी पूजा कुमारी शाहले गएको एसईई परीक्षाको नतिजामा आफू मात्र उत्तीर्ण हुन्छु भनेर सोचेकी पनि थिइनन् । यसै साता मात्र प्रकाशन भएको एसईई परीक्षाको नतिजामा वडा नम्बर ६ को जनआदर्श माध्यमिक विद्यालयबाट परिक्षा दिएका मध्ये आफू मात्र उत्तीर्ण भएको खबर सुन्दा उनि निक्कै दुखी भईन् । ‘सँगै का साथी अनुत्तीर्ण भए । म मात्र उत्तीर्ण । कसरी खुसी हुनु,’ उनले भनिन् । पूजा कुमारी संगै अन्य ५० जना विद्यार्थीले वडा नम्बर ७ को व्याङडाडा स्थित भगवती माध्यमिक विद्यालयको परिक्षा केन्द्रबाट एसईईको परिक्षा दिएका थिए । ‘परिक्षा हलबाट बाहिरिदा सबै साथीले आजको परिक्षा राम्रो…

मेचीनगर । नेकपा एमाले मेचीनगर कमिटीले यसपालिको असार पन्ध्र (राष्ट्रिय धान दिवस) किसानको खेतमा सामुहिक धान रोपाइँ गरेर मनाएको छ । प्रत्येक बर्ष छुट्टाछुट्टै क्षेत्रका विभिन्न किसानहरूकोमा सामुहिक रूपमा धान रोपेर मनाउँदै आएको असार पन्ध्र यसपटक एमाले नगर कमिटीले मेचीनगर-९ शिवराज चोक स्थित रति किसानको १ बिघा जग्गामा धान रोपेको हो । शनिबार बिहान किसानको खेतमा धान रोपाइँ कार्यक्रममा एमालेका केन्द्र देखि वडासम्मको करिब १५० जना बढी नेताकार्यकर्ताको सहभागिता रहेको थियो । नौमती बाजा सहित आयोजना गरिएको सामुहिक धान रोपाइँ कार्यक्रममा एमाले केन्द्रीय सल्लाहकार परिषद् सदस्य तथा पुर्व बागमती प्रदेश प्रमुख बिष्णुप्रसाद प्रसाईको प्रमुख आतिथ्य रहेको थियो । कार्यक्रममा एमाले…

झापा । शिवसताक्षीमा २१ औं राष्ट्रिय धान दिवस मनाइएको छ । नेपाली कांग्रेस शिवसताक्षीको संयोजन र नेपाल किसान महासंघ शिवसताक्षीको आयोजनामा ‘बेठी’ सहितको बृहत् धान रोपाइँ शनिवार सम्पन्न भएको हो । नेपाल किसान महासंघ नेपाली कांग्रेसको वर्गीय संगठन हो ।‘बेठी’ मा पार्टीका टोल अध्यक्षदेखि लिएर प्रदेश समिति सदस्य समेतले नौमती बाजाको तालमा नाचगान गर्दै सामूहिक रूपमा धान रोपे । उनीहरूले दही चिउरा खाएर असार १५ अर्थात् राष्ट्रिय धान दिवस मनाए । नेपाली कांग्रेस शिवसताक्षीका सभापति अशोक बस्नेतका अनुसार नेपाली कांग्रेस झापाका सभापति देउकुमार थेवे, कोशी प्रदेश समितिका सदस्य उत्तमबहादुर चौलागाईं, महासमिति सदस्य मचिन्द्र शर्मा, भक्ति सिटौला, खड्गबहादुर कार्की, नेपाली कांग्रेसका…

काठमाडौ । जनपत्रकार संगठन नेपालले नेपाल पत्रकार महासंघको निर्वाचनलाई कसैको जीतहारको रुपमा नलिई सबैको अपनत्व कायम हुने गरी निर्वाचन सुनिश्चित गर्न माग गरेको छ । संगठनले शनिवार एक प्रेश विज्ञप्ति जारी गर्दै नेपाल पत्रकार महासंघ सबैको साझा अगुवा संस्था भएकोले निर्वाचनलाई जीतहारको रुपमा नलिई सबैको अपनत्व कायम हुने गरी निर्वाचन गर्न माग गरेका छ । जनपत्रकार संगठन नेपालले बैधानिक व्यवस्था बमोजिम हुनुपर्ने निर्वाचन पटक –पटक तोकिने तर विभिन्न बहानामा स्थगित हुने गरेको भन्दै अझै निर्वाचनलाई अनिश्चित दिशामा धकेल्ने गरिएको गतिविधिप्रति गम्भीर ध्यानाकर्षण भएको जनाएको छ । संगठनले जारी गरेको विज्ञप्ति मार्फत समग्र पत्रकारिता आन्दोलन,मर्यादित पत्रकारिता र पेसागत अधिकारको संघर्षलाई समेत…

काठमाडौँ । आज असार १५, मानो रोपेर मुरी उब्जाउने मुख्य दिन । यस दिनलाई किसानले अरू पनि विभिन्न रूपमा सम्झिन्छन् । असार १५ मा खेतमा धान रोपाइँ गरेपछि दही चिउरा खाने चलन पनि छ । कृषिमा परनिर्भरता बढ्दै गएका कारण उत्पादकत्व बढाउने उद्देश्यले नेपालमा २०६१ देखि असार १५ मा नै राष्ट्रिय धान दिवस मनाउन थालिएको छ । यस वर्ष २१ औँ राष्ट्रिय धान दिवस तथा रोपाइँ महोत्सव मनाइँदै छ । सरकारले असार १५ गते धान दिवस तथा रोपाइँ महोत्सवको मुख्य कार्यक्रम चितवनमा गर्ने भएको छ । प्रधानमन्त्री पुष्पकमल दाहाल ‘प्रचण्ड’ र कृषि तथा पशुपन्छी विकासमन्त्री ज्वालाकुमारी साहको उपस्थितिमा चितवनको बछौलीमा…

मेचीनगर । झापाको मेचीनगर नगरपालिका स्थित सिताराम सामुदायिक अंग्रेजी विद्यालय धाईजनका विराज प्रसाईं र इस्ट होराइजन अङ्ग्रेजी मावि धुलाबारीकी साक्षी ओझा एसईई २०८० मा मेचीनगरबाट उत्कृष्टको सूचीमा परेका छन् । प्रसाईंले ३.९ जिपीए प्राप्त गरेको विद्यालयका प्रिन्सिपल राजेश निरौलाले बताए । प्रिन्सिपल निरौलाका अनुसार प्रसाईंले ५ वटा विषयमा ४ जिपीए प्राप्त गरेका छन् । भाषा विषय अंग्रेजी र नेपालीमा मात्र ३.६ जिपीए ल्याएका कारण उनले ४ जिपीए ल्याउनबाट वञ्चित हुनु परेको निरौलाले बताए । त्यस्तै छात्रातर्फ इष्ट होराइजन अंग्रेजी मावि धुलाबारीकी साक्षी ओझा उत्कृष्ट बनेकी छिन् । ३.८६ जिपीएसहित ओझा छात्रातर्फ मेचीनगरकै अधिकतम जिपीए प्राप्त गर्ने विद्यार्थीको सूचीमा परेकी छिन्…

विनोद सापकोटा झिलझिले । झापाको शिवसताक्षी नगरपालिकाको एउटा सामुदायिक विद्यालयको २०८० को एसइइको नतिजा शून्य आएको छ । नतिजाअनुसार चन्द्रडाँगीको शुक्र माविको परीक्षाफल शून्य आएको हो । शिवसताक्षी–७ को सो विद्यालयबाट एसइइमा २० जना परीक्षार्थी सहभागी थिए । त्यस्तै, जनआदर्श मावि, शिवगञ्जबाट एकजना मात्र परीक्षार्थी उत्तीर्ण भएका छन् । ५१ जना सहभागीमध्ये ५० जना अनुत्तीर्ण भएका छन् । जनआदर्श नगरको एक मात्र नमुना विद्यालय हो । लालपानी मावि, लालपानीबाट दुईजना मात्र उत्तीर्ण भएका छन् । सो विद्यालयबाट एसइइमा ३४ जना सहभागीमध्ये ३२ जना उनुत्तीर्ण भए । नगरका एक प्राविधिकसहित १३ वटा माध्यमिक विद्यालयका विद्यार्थीले २०८० को एसइइ दिएका थिए ।…

झापा । झापाको भद्रपुरमा धारिलो हतियार सिक्कल प्रहार गरी एक वृद्धाको हत्या गरिएको छ । हत्या गर्ने भद्रपुर नगरपालिका-२ पृथ्वीनगरस्थित डिगाँउ निवासी अन्दाजी ४० वर्षीय राजेश तामाङ रहेको लाई पक्राउ परिसकेको जिल्ला प्रहरी कार्यालय झापाले जानकारी दिएको छ। शुक्रबार दिउँसो साढे ३ बजेको समयमा राजेशले सोही ठाउँका ७० वर्षीया गौरीमाया तामाङको घाँटीको दाहिने भागमा सिक्कल प्रहार गरेका थिए । उनको घटनास्थलमै मृत्यु भएको थियो । वृद्धा गौरीमाया राजेशकै घरमा उनको दिदीसँग गफगाफ गरी बसिरहेका थिए । सोही बेला राजेशले उनीमाथि एक्कासि सिक्कल प्रहार गरेको स्थानीयले बताएका छन् । घटनाको कारण नखुलेपनि राजेशको मानसिक अवस्था ठिक नभएको स्थानीयको भनाई छ ।…