झापा । झापाको मेचीनगर नगरपालिका वडा नम्बर -४ बाहुण्डाँगीमा हात्तीमैत्री पर्यटन प्रवर्द्धन र स्थानीय रोजगारी सृजना गर्ने उद्देश्यसहित बाँस तथा काठजन्य हस्तकला सामग्री निर्माण तालिम सम्पन्न भएको छ। कोशी प्रदेशको पर्यटन, वन तथा वातावरण मन्त्रालय, मेचीनगर नगरपालिका वडा नं. ४ र उज्यालो नेपाल बर्दियाको संयुक्त आयोजनामा भएको एक महिनाको तालिम सोमबार सम्पन्न भएको हो। तालिममा स्थानीय बासिन्दालाई स्वरोजगार बनाउने लक्ष्य राखिएको थियो। भद्रपुरस्थित शाक्य हस्तकला केन्द्रका सञ्चालक निर्मल शाक्य र भारतीय प्रशिक्षक गोपाल रोय सिंहले सहभागीहरूलाई बाँस र काठबाट विभिन्न सजावटी तथा घरेलु सामग्री बनाउन सिकाएका थिए। तालिम अवधिमा सहभागीहरूले आकर्षक सामग्रीहरू निर्माण गरेका छन्, जसको बजारमा माग बढेको वडा…
Nepali