आर्थिक अभावमा बीएण्डसी अस्पतालमा छटपटाउँदै बालिका, सहयोगको अपील

प्रविण अधिकारी  झापा । झापाको बुद्धशान्ति गाउँपालिका–३ की सम्झना जवेगुकी दुई महिनाकी छोरी सुयना जवेगुलाई मस्तिष्क र फोक्सोमा समस्या देखिएपछि वैशाख ४ गते विर्तामोडस्थित बीएण्डसी अस्पतालमा भर्ना गरिएको छ। तर आर्थिक अभावका कारण उनको उपचारमा गम्भीर समस्या उत्पन्न भएको छ। बालिकाको आमा सम्झना जवेगुका अनुसार अस्पताल प्रशासनले उपचार अघि तुरुन्तै एक लाख रुपैयाँ बुझाउनुपर्ने माग गर्दै, रकम नबुझाएमा डिस्चार्ज गर्न चेतावनी दिएको छ। “छोरी टुलुटुलु हेरेर छटपटाइरहेकी छ, तर उपचार गराउन हामीसँग पैसा छैन,” उनले भनिन्। जवेगु परिवार अहिले आर्थिक अभावका कारण तनावमा छन् र छोरीको जीवन रक्षाका लागि सहयोगको अपील गरेका छन्। सहयोग गर्न इच्छुक व्यक्तिहरूले सिधै परिवारसँग सम्पर्क…

मेचीनगर। झापाको मेचीनगर–७ स्थित जोरसिमलमा यही बैशाख २२ गतेदेखि २९ गतेसम्म निलसरी महोत्सव आयोजना हुने भएको छ। जोरसिमल मेचे समाज विकास समितिको आयोजनामा हुने यो महोत्सव झापामै पहिलोपटक फरक र बृहत स्वरूपमा सञ्चालन गर्न लागिएको हो। महोत्सवबारे जानकारी दिन सोमबार आयोजित पत्रकार सम्मेलनमा आयोजक समितिका सचिव सञ्जय मेचेले भने, “यो झापामै पहिलोपटक फरक प्रकृतिको महोत्सव हो, जसमा सांस्कृतिक कार्यक्रम, फुटबल प्रतियोगिता, स्वास्थ्य शिविर, प्यानल डिस्कसनजस्ता विविध कार्यक्रमहरू एकै साथ सञ्चालन हुनेछन्।” करिब ४० लाख ८६ हजार रुपैयाँ लागतमा सम्पन्न हुने अनुमान गरिएको यस महोत्सवका लागि सबै क्षेत्रबाट सहयोग अपेक्षा गरिएको छ। कार्यक्रमको अध्यक्षता गरेका आयोजक समितिका अध्यक्ष सुन्दर मेचेले महोत्सव…

प्रविण अधिकारी मेचीनगर।  झापाको मेचीनगर–८ स्थित ऐतिहासिक तथा धार्मिक पर्यटकीय स्थल पातलगङ्गामा अवस्थित सनसारी माईको मन्दिर सोमबार राति डोजर लगाएर भत्काइएको छ। स्थानीयको आरोप अनुसार मन्दिर सुवास साङ्घाईको स्वामित्वमा रहेको चिया बगानले भत्काएको हो। हिन्दु धर्मावलम्बीहरूले हरेक वर्ष पातलगङ्गामा जलको कामनाका लागि सनसारी माईको विशेष पूजा गर्ने परम्परा रहेको छ। यही वैशाख २० गतेका लागि पूजा तयारीस्वरूप हालै मन्दिर वरिपरि सिमेन्टको बार लगाई, रङ्ग–रोगन गरेर सिला समेत स्थापना गरिएको थियो। स्थानीयका अनुसार सोमबार राति करिब १० बजे, बगान प्रशासनले आफ्नो क्षेत्र अतिक्रमण भएको भन्दै जेसीबी प्रयोग गरी मन्दिर तोडफोड गराएको हो। सयौं वर्षदेखि पूजाआजा हुँदै आएको स्थलमा यस्तो घटनाले स्थानीय…

प्रविण अधिकारी झापा ।  पितृसत्ताको प्रभावले पटक–पटक पुनः लेखिएको नेपाली इतिहासमा वैकल्पिक दृष्टिकोण प्रस्तुत गर्ने उद्देश्यले ‘अजिमा’ वृत्तचित्र झापाको विर्तामोडमा प्रस्तुत गरिएको छ। आज झापाको विर्तामोड स्थित पाथिभरा सिने प्लाजामा राजनीतिकर्मी, मानवअधिकारकर्मी, पत्रकार, जनप्रतिनिधि लगायतको उपस्थितिमा उक्त वृत्तचित्र प्रस्तुत गरिएको हो । संविधानसभा सदस्य एवम् लैंगिक अल्पसंख्यक समुदायको हकहितमा विगत २५ वर्षदेखि संघर्ष गर्दै आएका सुनिलबाबु पन्तद्वारा निर्देशित यो वृत्तचित्रले मातृसत्तात्मक संरचना, लैंगिक विविधता र ऐतिहासिक यथार्थको पुनरपरिकल्पना गर्ने प्रयास गरेको छ। वृत्तचित्रमा ६ प्रकारका लैंगिक पहिचानहरू समेटिएका छन्। यो फिल्मले पितृसत्ताले ढालेको इतिहासलाई चुनौती दिँदै, डाकिनी/योगिनी संस्कृति, इन्द्र जात्राको इतिहास, र तेस्रोलिङ्गी समुदायप्रति समाजको दृष्टिकोणजस्ता विषयलाई केन्द्रमा राखेको छ।…

झापा । विप्लव नेतृत्वको नेपाल कम्युनिस्ट पार्टी झापाले पार्टीको जिल्ला बैठकबाट विभिन्न छलफल गर्दै आगामी कार्ययोजनाहरु सार्वजनिक गरेको छ। आज झापाको विर्तामोड स्थित पार्टी कार्यालयमा जिल्ला इन्चार्ज सुमनसिंह सी को अध्यक्षतामा बसेको जिल्ला कमिटी बैठकले देशको पछिल्लो राजनीतिक घटनाक्रम र आउनसक्ने परिस्थितिबारे गहन छलफल गर्दै प्रतिगमनका विरुद्ध डटेर अगाडि बढ्ने निर्णय गरेको छ। देश र जनताको अबको एकमात्र विकल्प भनेको समाजवाद मात्रै रहेकाले नेता कार्यकर्ता र आम जनतालाई बिचलित नहुन र प्रतिगमनले देश र जनतालाई अझै संकटमा लैजाने जिल्ला इन्चार्ज सुमनसिंह सी ले बताएका छन्। त्यस्तै जिल्ला बैठकले आगामी दिनहरुमा झापाका सबै पालिकाको सम्मेलन, वडा कमिटी बिस्तार, राजनीतिक संघर्ष ,…

प्रविण अधिकारी झापा । चैत्र १५ गते काठमाडौंमा भएको राजावादीहरुको आन्दोलनमा हिंसा भड्काएर फरार रहेका दुर्गा प्रसाईं भारतबाट पक्राउ परेका छन्। मेडिकल व्यवसायी समेत रहेका प्रसाईंले उक्त आन्दोलनको नेतृत्व गरेको र आन्दोलन हिंसात्मक बनेपछि उनी फरार रहेका थिए। फरार रहेका प्रसाईं झापा हुँदै भारत पुगेको सुचना पाएको प्रहरीले वृहत् खोजी कार्य जारी राखेको थियोे । स्रोतका अनुसार प्रसाईं भारतको सिलिगुडी स्थित प्रधाननगरमा त्रिमुल काङ्ग्रेसका एक नेताको घरमा सेल्टर लिएर बसेका थिए । दुर्गा प्रसाईंको सेल्टर प्रहरीले पत्ता लगाएपछि उनी त्यहाँबाट आसाम भाग्ने क्रममा आसाम प्रहरीले पक्राउ गरेको हो । प्रहरीले सेल्टर पत्ता लगाएपछि हिजोमात्र प्रसाईंले भिडियो सार्वजनिक गर्दै आफू नेपालमै…

इटाभट्टा । जेष्ठ नागरिक वडा समिति मेचीनगर ७ को अध्यक्षमा पिताम्बर शर्मा पौडेल सर्वसम्मत निर्वाचित भएका छन् । आज मेचीनगर ७ आनन्द टोलमा संस्थाको पहिलो अधिवेशनबाट पौडेल आगामी ४ वर्षे कार्यकालको लागि पुन अध्यक्षमा निर्वाचित भएका हुन् । समितिको उपाध्यक्षमा अमर परियार, महिला उपाध्यक्षमा मेनुका अधिकारी, सचिवमा रामप्रसाद ढुङ्गेल, सहसचिवमा प्रेमराज गौतम र कोषाध्यक्षमा राजकुमारी राई निर्वाचित भएको निर्वाचन समितिका संयोजक अग्नीप्रसाद घिमिरेले बताए । समितिको सदस्यमा डिकुरा निरौला, मीना कोइराला, गीता पोख्रेल घिमिरे, लालप्रसाद फुयल, भवनाथ दाहाल, अशोक मेचे, सपन राजवंशी निर्वाचित भएको संयोजक घिमिरेले बताए । २१ सदस्य कार्यसमितिमा ८ जना पछि मनोनित गरिने बताइएको छ । मेचीनगर…

मेचीनगर । देशकै अग्रणी सहकारी संस्थाको रुपमा परिचित नेपाल बहुउद्देश्यीय सहकारी संस्था लि. (एनएमसी) ले आफ्नो एग्रो फार्म व्यवसाय मार्फत तोरीको तेल प्रशोधन गरी बजारमा ल्याउने भएको छ । बहुउद्देश्यीय प्रकृतिका कारण यसअघि डेरी, एग्रो फार्म, सहकारी पसल, चिया उद्योग तथा प्याकेजिङ उद्योग सञ्चालन गर्दै आएको एनएमसीले व्यवसाय विस्तारका क्रममा तोरीको तेललाई समेत अगाडि बढाएको हो । आफ्ना सदस्य किसानबाट खरिद गरिएको तोरीलाई आधुनिक उपकरणबाट प्रशोधन गरी शुद्ध तोरीको तेल बजारमा ल्याउने उद्देश्यले एनएमसीले चैत २४ गते मेचीनगर–१४, दुहागढीस्थित एग्रो फार्ममा तोरीको तेल मिलको शुभारम्भ गरेको छ । निर्मित उक्त मिलको आज एक कार्यक्रमकाबीच मेचीनगर नगरपालिकाका नगरप्रमुख गोपालचन्द्र बुढाथोकीले औपचारिक…

मेचीनगर । नवोदित गायक जीवन धितालको स्वरमा रहेको दुखी रहेछ जिन्दगी बजारमा आएको छ । गीतकार विरही अधिकारीको शब्द रचना रहेको गीतमा हरी पौडेलले सङ्गित भरेका छन् । कलाको माध्यमबाट जीवन गुजार्न नेपाली समाजमा व्यहोर्नुपर्ने सकस गीतको पार्श्व दृश्यमा देख्न सकिन्छ । गीतमा समावेश नेपाली समाजमा साहित्यकारहरुले आफ्नो सिर्जना पस्कन झेल्नुपरेको संघर्षको दृश्यले दर्शक एवम् पाठकलाई भावुक बनाउँछ । साङ्गीतिक क्षेत्रमा अनवरत जीवन खर्चेका सर्जकको उपस्थितिले गीतको ओज बढेको पाठकहरुले प्रतिक्रिया दिएका छन् । गीतलाई एक कार्यक्रमको आयोजना गरी केही दिनअघि भद्रपुरस्थित एयरपोर्ट होटलको सभाहलमा विमोचन गरिएको थियो । गीतलाई शुक्रवार बेलुकी ओएसआर डिजिटल यूट्युब च्यानलबाट रिलिज गरिएको छ ।…

विर्तामोड । प्रतिगमन र षड्यन्त्रको विरुद्ध विप्लव नेतृत्वको नेपाल कम्युनिस्ट पार्टी झापाले वृहत् विरोध प्रदर्शन गरेको छ। आज झापाको विर्तामोडमा नेकपाका नेताकार्यकर्ताले राजतन्त्रको विरोधमा विभिन्न नाराबाजी सहित विरोध प्रदर्शन गरेका हुन्। विर्तामोड स्थित पश्चिम बस स्टेसन बाट नाराबाजी सहित शुरु भएको र्‍याली मुक्ति चोकमा आएर कोणसभामा परिणत भएको थियोे । र्‍यालीमा प्रतिगमन मुर्दावाद, समाजवादी व्यवस्था जिन्दावाद, प्रतिगमन मुर्दावाद, विप्लव आउ देश बचाउ लगायतका नारा सहित प्लेकार्ड प्रदर्शन गरिएको थियोे । कोणसभालाई सम्बोधन गर्दै नेकपाका झापा इन्चार्ज सुमनसिंह सी ले देशलाई पछाडि धकेल्न खोज्ने अराजक तत्वहरुलाई जनताले कारबाही गर्ने समय आएकाले धेरै नसलबलाउन चेतावनी दिएका छन्। उनले पछिल्लो समय दुर्गा प्रसाईं…